Çmimet e naftës u rritën më tej të martën pasi BE ra dakord të ulë importet nga Rusia, duke nxitur shqetësimet për një treg më të shtrënguar tashmë për ofertë mes kërkesës në rritje përpara sezonit veror të pikut në SHBA dhe Europë.
Nafta e papërpunuar Brent e Londrës për korrikun, u rrit 2,19 dollarë, në 123,86 dollarë për fuçi. Ndërsa, kontrata më aktive e gushtit u rrit 2,25 dollarë, në 119,8 dollarë. Nafta e papërpunuar e SHBA-së u tregtua me 119,12 dollarë për fuçi, 4,05 dollarë më shumë nga mbyllja e së premtes.
Krerët e Bashkimit Europian ranë dakord në parim të shkurtojnë 90% të importeve të naftës nga Rusia deri në fund të vitit 2022, duke zgjidhur një ngërç me Hungarinë mbi sanksionin më të ashpër të bllokut ndaj Moskës që nga pushtimi i Ukrainës tre muaj më parë. Rihapja e Kinës pas bllokimeve të COVID-19 po mbështet gjithashtu çmimet.
