Për tre ditë me rradhë, në datat 19, 20 e 21 nëntor, qindra njerëz, pjestarë të komuniteteve pranë bizneseve dhe sipërmarrjeve lokale, por jo vetëm, u bënë pjesë e event-trajnimit më të madh virtual në Ballkan “Rruga Drejt Suksesit”, ideuar dhe organizuar nga presidenti i Agna Group, Vasil Naçi.
Tre ditët e fundjavës që lamë pas ishin të mbushura me një program dedikuar mundësisë unike që ofrohet përmes Akademisë së Lidershipit Agna, për të konsoliduar mendësinë dhe për të ndërmarrë hapat e duhur, me qëllim, arritjen e suksesit në jetë.
Përveç mentorshipit të ofruar nga Z. Naçi, event-trajnimi, i përbërë nga një program ditor disaorësh, i ndërthurrur bukur edhe me evente të tjera, si fitnesi e aerobia, pjesë e këtij aktiviteti të mirëstruktuar ishin edhe trajnuesit e tjerë, si Mirela Sula, Ahmet Shala, Ermal Mamaqi, Alketa Vejsiu e Sheki Useini.
“Rruga drejt suksesit” nisi rrugëtimin e saj në vitin 2016, I organizuar si pjesë e përgjegjësisë sociale dhe kontributit të Agna Group për komunitetin. Prej atëherë, këtë vit, në edicionin e gjashtë, me formatin online i theu të gjitha barrierat, duke tërhequr një numër të konsiderueshëm pjesëmarrësish nga të gjitha trevat shqiptare.
Suksesi, jo vetëm në biznes, por në përgjithësi në jetë, nuk mund të jetë rastësor. Rritja e njohurive dhe zbatimi rigoroz i tyre, ndikon në cilësinë e jetës dhe në arritjen e objektivave. “Rruga drejt suksesit”, si një program unik mundëson rritjen e kontrollit mbi fushat më të rëndësishme të jetës, që nga shëndeti, emocionet, marrëdhëniet, karriera, financat, e deri tek manaxhimi i kohës.
Përgjatë 3 ditëve, presidenti i Agna Group Vasil Naçi, së bashku me ekipin e trajnerëve ofruan për publikun e gjerë dhjetra vite përvojë, mësime, suksese dhe praktikat më të mira botërore për të arritur majat. Në fund, nisur edhe nga dhjetra komentet e pjesëmarrësve, përvojat ishin mbresëlënëse, energjia e transmetuar e jashtëzakonshme dhe vlerat formuese sipërore.
