Buxheti i shtetit ka mbledhur afro 75.1 miliardë lekë apo rreth 6.2 milionë euro më shumë në 11 mujor, krahasuar me të njëjtën periudhë të një viti më parë, çka tregon ecurinë poozitive të ekonomisë përgjatë këtij viti. Sipas treguesve zyrtarë të Ministrisë së Financave plani i të ardhurave në buxhet është realizuar në masën 103 për qind, ku janë mbledhur në total 458 miliardë lekë. Të ardhurat tatimore u realizuan në masën 228 miliardë lekë, 25.7 miliardë lekë më shumë se 11-mujori i vitit të kaluar, 1.1% më shumë se parashikimi.
Të gjithë zërat kanë kontribuar pozitivisht, ndërsa TVSH e arkëtuar neto u realizua në masën 27.5 miliardë lekë, 0.5% më pak se 11-mujori 2020, si dhe 8.7 miliardë më pak se plani i TVSH për t’u arkëtuar në 11-mujorin 2021. Përpos konsumit, në këtë zë ka ndikuar edhe niveli i lartë i rimbursimit të TVSH-së përgjatë kësaj periudhe.
Konkretisht Rimbursimet u realizuan në 52.8% më shumë se 11-mujori 2020, si 40.3% më shumë se plani. Nga tatimi mbi fitimi u mblodhën 5.9 miliardë lekë, më shumë se 11-mujori 2020, si dhe 3% më shumë se plani. Rritje të ndjeshme në raport me një vit më parë ka pësuar edhe tatimi mbi të ardhurat personale, ku janë arkëtuar në vlerën 36.5 miliardë lekë, ndërsa ka një rënie prej 2.4% më pak se plani. të ardhurat nga taksat nacionale u riten me 18% më shumë se 11-mujori 2020, duke tejkaluar planin me 3.4 miliardë lekë
Po ashtu një rritje të ndjeshme prej 11.4 miliardë lekësh kanë shënuar të ardhurat nga kontributet për sigurimet shoqërore dhe shëndetësore , ndërsa parqitet një realizim në masën 108.7% të planit për 11-mujorin 2021. Të ardhurat doganore u realizuan në vlerën 172.4 miliardë lekë, me rritje prej 25.6% më shumë se 11 mujori 2020, si dhe 12.3% më shumë se planifikimi. Shpenzimet e përgjithshme publike, për periudhën 11 mujore arritën në rreth 490,1 miliardë LEK me një realizim në masën 89.5 % të planit të periudhës. Defiçiti rezultoi në rreth 32.2 miliard lekë.
