Nafta po qëndron në rënie edhe në sesionin e sotëm, duke zgjeruar humbjet e një dite më parë, pasi investitorët janë të shqetësuar se rritja e interesave në SHBA dhe në shumë vende të tjera mund ta çojë ekonominë globale drejt një recesioni, që përkthehet në një kërkesë më të ulët për naftë. Nafta Brent e Londrës po tregtohet pranë 110 dollarëve për fuçi, ndërsa nafta Bruto amerikane po tregtohet në rreth 104 dollarë për fuçi.
Të dy bençmarkët ranë me rreth 3% në sesionin e kaluar, duke prekur nivelin më të ulët që nga mesi i majit. Investitorët po vlerësojnë se sa mundësi ka që politikat monetare shtrënguese ta shtojnë ekonominë globale drejt recesionit. Analistët shprehen se tregu i naftës po gjendet nën presion, në një kohë që rritja e interesave mund ta pengojë rimëkëmbjen e ekonomisë dhe të kërkesës për naftë.
Njëkohësisht, Rezerva Federale nuk po përpiqet të parandalojë një recesion, por fokusi kryesor është të sjellë inflacionin pranë objektivit prej 2%, skenar që u konfirmua edhe nga shefi i Rezervës Federale, gjatë dëshmisë së tij në Kongresin amerikan.
