Kompania Visa prezantoi sot një sërë zgjidhjesh të bazuara në inteligjencën artificiale, njësi dhe monedha digjitale, të dizajnuara për t’u mundësuar klientëve në të gjithë rajonin CEMEA të marrin pjesë në krijimin e fazës së ardhshme të zhvillimit të tregtisë. Përpara Visa Payments Forum, i cili zhvillohet më 1 korrik në Paris, kompania prezantoi mënyrën se si dy transformime kryesore teknologjike, përdorimi i inteligjencës artificiale dhe monedha digjitale, po ndryshojnë mënyrën e realizimit të tregtisë dhe transferimit të parave në përgjithësi, si në aspektet e dukshme për përdoruesit, ashtu edhe në infrastrukturën që mbështet sistemet e pagesave. Në të njëjtën kohë, Visa po zhvillon zgjidhje që u mundësojnë klientëve të përshtaten me këto ndryshime, të përmirësojnë operacionet e biznesit dhe të krijojnë eksperienca të reja, të sigurta dhe të besueshme për përdoruesit.
“Tregtia po hyn në një fazë të re, ku po bëhet gjithnjë e më inteligjente, e programueshme dhe plotësisht e integruar në jetën e përditshme”, deklaroi Tareq Muhmood, President Rajonal i Visa për rajonin CEMEA.
“Për kompanitë që operojnë në ekonominë digjitale, kjo sjell mundësi të mëdha, por edhe një nevojë më të madhe për besim dhe bashkërendim. Visa është e fokusuar në zhvillimin e infrastrukturës dhe zgjidhjeve që u mundësojnë klientëve të prezantojnë inovacione me siguri në të gjitha aspektet e procesit të pagesave dhe t’u ofrojnë përdoruesve dhe bizneseve një eksperiencë edhe më të mirë”, shtoi Muhmood.
Forcimi i pjesës së tregtisë që lidhet me klientin përmes inteligjencës artificiale
Visa ka prezantuar mënyrën se si inteligjenca artificiale po ndryshon mënyrën se si transaksionet nisen, miratohen dhe sigurohen, duke përshpejtuar njëkohësisht zhvillimin dhe zbatimin e përvojave të reja në tregti. Ndërsa agjentët e AI po kryejnë gjithnjë e më shpesh detyra në emër të konsumatorëve dhe kompanive, platforma Visa Intelligent Commerce, e dedikuar për tregtinë me agjentë, ofron sistemet e nevojshme të kontrollit që agjentët e AI të mund të gjejnë produkte, të nisin dhe të përfundojnë transaksione në mënyrë të sigurt.
Për të mbështetur këtë ndryshim, Visa po bashkëpunon me partnerë në të gjithë ekosistemin e pagesave për të krijuar transaksione transparente dhe të besueshme të drejtuara nga agjentët e AI. Kjo përfshin edhe mbështetjen për tregtarët përmes zgjidhjes së re Agent Score, e zhvilluar në bashkëpunim me kompaninë New Generation, e cila u mundëson tregtarëve të vlerësojnë gatishmërinë e faqeve të tyre të internetit për tregtinë me agjentë, pra të përcaktojnë nëse agjentët e AI mund të navigojnë në faqen e tyre, të kuptojnë përmbajtjen dhe të kryejnë veprimet e nevojshme.
Për më tepër, për tregtarët është e rëndësishme të dinë se cilëve agjentë të AI mund t’u besojnë, ndërsa agjentët duhet të jenë të sigurt se po bashkëpunojnë me tregtarë legjitimë. Për këtë arsye, Visa ka prezantuar edhe Agentic Directory, një bazë të dhënash që mbledh agjentë të verifikuar të AI dhe tregtarë si pjesëmarrës të besueshëm në tregtinë me agjentë.
Njësitë digjitale si bazë e tregtisë së mbështetur nga inteligjenca artificiale
Një nga nxitësit kryesorë të rritjes së sektorit të e-commerce në rajonin CEMEA është përdorimi gjithnjë e më i gjerë i njësive digjitale, i cili mundëson përvoja pagese më të sigurta, më të thjeshta dhe pa pengesa në tregtinë elektronike dhe përmes pajisjeve mobile. Në rajonin CEMEA, përqindja e transaksioneve të koduara është rritur nga 26% në vitin 2023 në 70% në vitin 2026.
Njësitë digjitale sot tashmë përmbajnë një nivel të lartë mbrojtjeje të të dhënave të dedikuara për pagesat digjitale. Ndërsa tregtia po zgjerohet në kanale të reja dhe përmes agjentëve të AI, Visa po përmirëson më tej bazën e të dhënave mbi llojin e transaksionit, vendin e përdorimit të njësisë digjitale dhe identitetin e paguesit. Një tjetër përmirësim i rëndësishëm është edhe sinjali i besueshmërisë së njësisë digjitale. Përdorimi i saj vlerësohet gjatë gjithë ciklit jetësor, bazuar në mënyrën se si është lëshuar dhe historikun e përdorimit, në mënyrë që për çdo transaksion të gjenerohet një sinjal që tregon nivelin e besueshmërisë.
Këto përmirësime forcojnë më tej rolin e njësive digjitale si bazë e tregtisë digjitale të besueshme dhe të tregtisë së drejtuar nga inteligjenca artificiale, duke u ofruar klientëve më shumë informacion relevant dhe siguri më të lartë në një mjedis ku transaksionet po bëhen gjithnjë e më të automatizuara dhe inteligjente.
Modernizimi i infrastrukturës për transferimin e parave përmes monedhave digjitale
Visa ka prezantuar përparime në modernizimin e procesit të shlyerjes dhe transferimit të vlerës duke përdorur monedha digjitale dhe infrastrukturë të bazuar në teknologjinë blockchain. Përmes zgjidhjes Tokenized Deposits, kompania po zhvillon një shtresë teknologjike që u mundëson bankave të shndërrojnë depozitat tradicionale në para digjitale të programueshme, të disponueshme në çdo kohë. Në këtë mënyrë, bankat mund të arrijnë shpejtësinë dhe fleksibilitetin që ofrojnë monedha digjitale, duke ruajtur njëkohësisht fondet brenda bilancit të tyre.
Visa po zgjeron gjithashtu pilot-projektet e shlyerjes përmes monedhave digjitale në më shumë rajone, rrjete blockchain dhe monedha. Pas programeve të para pilot të nisura në fillim të vitit 2025, përmes rrjetit VisaNet është realizuar një qarkullim i monedhave digjitale me vlerë prej disa miliardë dollarësh, ndërsa ritmi vjetor i transaksioneve në mars 2026 arriti rreth shtatë miliardë dollarë amerikanë. Bankat emetuese të kartave tashmë kryejnë shlyerje në blockchain shtatë ditë në javë në bashkëpunim me Visa-n, ndërsa kompania po punon që i njëjti model të zgjerohet edhe te bankat pranuese të kartave, duke rritur fleksibilitetin dhe frekuencën e shlyerjeve në gjithë ekosistemin e pagesave. Që nga vendosja e këtij modeli në rajonin CEMEA një vit më parë, vëllimi i tyre është rritur gati 60 herë.
Për të mundësuar përdorimin e fondeve në monedhave digjitale në të gjitha pikat që pranojnë kartat Visa, kompania po zgjeron programet e kartave të lidhura me këto fonde. Mbi 160 programe në mbarë botën tashmë janë aktive ose në zhvillim, dhe pritet që adoptimi i tyre të vazhdojë të përshpejtohet.
Nga të dhënat te njohuritë inteligjente me ndihmën e inteligjencës artificiale
Për t’i ndihmuar klientët të përmbushin pritshmëritë gjithnjë në rritje të përdoruesve, Visa po lidh infrastrukturën moderne të pagesave me aftësi të avancuara të analizës së të dhënave që mundësojnë vendimmarrje më të mirë gjatë gjithë procesit të pagesës. Kompania prezanton një zgjidhje të re të bazuar në inteligjencën artificiale për bankat, e cila i ndihmon ato të identifikojnë nevojat e përdoruesve për udhëtime edhe përpara se të ndodhë transaksioni. E disponueshme nga sot në rajonin CEMEA, Visa Trip Intelligence kombinon të dhënat e rrjetit VisaNet me informacion nga burime të pavarura për të identifikuar synimin e përdoruesit për të udhëtuar, për të krijuar plane të personalizuara udhëtimi dhe për t’u ofruar bankave njohuri që mund t’i zbatojnë menjëherë. Në këtë mënyrë, bankat mund të ofrojnë mbështetje në kohë përpara udhëtimit, të ulin pengesat e mundshme gjatë pagesave jashtë vendit dhe t’u ofrojnë përdoruesve përfitime, shërbime dhe përvoja më relevante gjatë udhëtimit.
