Shqipëria bëhet pjesë e panairit më të rëndësishëm në Evropë për produktet bujqësore të freskëta, “FRUIT LOGISTICA”, në Berlin të Gjermanisë. 10 përpunues dhe eksportues bujqësorë kanë prezantuar ekselencën shqiptare në fruta-perime në një nga pavionet e këtij panairi.
Ministria e Bujqësisë dhe Zhvillimit Rural, me fokus ndaj eksporteve bujqësore, organizoi pavionin shqiptar në këtë panair, duke promovuar fort prodhuesit tanë në tregjet ndërkombëtare.
Kompanitë pjesëmarrëse patën mundësi të krijojnë një rrjet ndërkombëtar kontaktesh, kontrata shitjesh dhe mundësi eksporti të mallrave të tyre.
Sektori i fruta-perimeve është me rëndësi të lartë për bujqësinë shqiptare dhe zë 36% të totalit të eksporteve bujqësore, të cilat arritën vlerën rekord prej 55.1 miliardë lekë në vitin 2022.
