Ndonse miërëqënia është rritur dhe varfëria nuk i ngan asaj të shumë viteve më parë, vdekshmëria foshnjore është përkeqësuar. Vitet e fundit në vendin tonë ky fenomen ka njohur rritje dhe kjo evidentohet si e dhënë në një raport përmbledhes të EUROSTAT për Ballkanin Përëndimor dhe Turqinë. Sipas këtij raporti Shqipëria e kishte vdekshmërine foshnjore 10.3 për 1000 lindje të gjalla, fenomen, i cili mbeti i lartë edhe më 2020 me 10 foshnje për 1000 lindje. Kjo normë ishte më shumë se dyfishi i mesatares rajonale.
Pas Shqipërisë Kosova renditet me normën më të lartë në Rajon me 8.7 foshnje të vdekura për 100 lindje, Maqedonia e Veriut me 5.6, Serbia me 4.8 dhe Mali i Zi me 2.4 (shih grafikun bashkëngjitur). Në BE norma mesatare e vdekshmërisë foshnjore për vitin 2019 ishte 3.4.
Tre vitet e fundit, Shqipëria përmbysi përpjekjet e tre dekadave, kur vdekshmëria e foshnjave nën një vjeç rinisi rritjen e mprehtë. Të dhënat zyrtare tregojnë se në shkallë vendi, në vitin 2020 humbën jetën 281 foshnja deri në 1 vjeç, ndërsa në vitin paraardhës 293 foshnja, niveli më i lartë që nga viti 2012. Rritja e fenomenit për të dytin vit ndodhi në një kohë që lindjet ranë me shpejtësi. Në vitin 2019, Shqipëria e kishte vdekshmërinë foshnjore gati sa dyfishi i rajonit, dhe më e larta në Europë. Treguesi ndonëse me rënie të lehtë mbeti i lartë edhe për vitin 2020.
Sipas të dhënave të iNSTAT, gjatë vitit 2020 fatalitetet në moshat 0-1 vjeç u rritën ndjeshëm në qarqet e Gjirokastrës, Korçës, Lezhës, Elbasanit dhe Vlorës, në raport me vitin paraardhës, nga 9 – 100 % sipas qarqeve. Shqipëria ka pasur një histori të dhimbshme me vdekshmërinë foshnjore niveli më i ulët i vdekshmërisë foshnjore u shënua në vitin 2015 me 7 vdekje për 1000 lindje të gjalla.
