Turqia është renditur partneri i dyte tregtar i Shqipërisë. Sipas statistikave të iNSTAT për periudhën janar-maj eksportet shqiptare drejt Turqisë u rritën me 300 milionë lekë duke shkuar në 2.8 miliardë lekë, nga rreth 2.5 miliardë lekë që ishin 5-mujorin e 2021-ës, ndërsa importet për periudhën 5-mujore llogariten 46.4 miliardë lekë.
Nga Turqia, janë importuar 18.1 miliardë lekë materiale ndërtimi dhe metale si dhe 7.5 miliardë lekë tekstile dhe këpucë. Ndërkohë importi i produkteve kimike dhe plastike llogaritet gati 4.8 miliardë lekë. Produktet më të eksportuara janë mineralet dhe metalet, bimët aromatike e mjekësore, dhe produktet fason.
Shqipëria në vitin 2006, lidhi marrëveshje të tregtisë së lirë me Turqinë. Marrëveshje kjo, që krijoi mundësi për rritjen e shkëmbimeve tregtare mes dy vendeve.
