Fillon sot Panairi i Turizmit ITB Berlin 2025, aty ku Shqipëria ka një vend nderi. Kryeministri Rama deklaroi se Shqipëri është përgatitur të lërë një mbresë të veçantë me ofertën tonë dhe prezantimin. Ai vuri në dukje se Shqipëria prej tre vitesh rradhazi renditet në krye të vendeve me rritjen më të madhe të turizmit.
“Ndërkohë që për të tretin vit radhazi aeroporti i Tiranës e ka kaluar atë të Beogradit për numër pasagjerësh, duke arritur vjet shifrën rekord të 11 milionë pasagjerëve. Shifra e 12 milionë turistëve nga një hartë e larmishme, ku figurojnë për herë të parë edhe mijëra japonezë, amerikano-latinë apo australianë ishte për 2024 një tjetër zhvillim i mëtejshëm i ekonomisë së re të turizmit shqiptar”, deklaroi ai.
Këtë mëngjes, Kryeministri ka postuar një video të krijuar me ndihmën e IA, ku shkruan:
MIRËMËNGJES dhe me videopërshëndetjen surprizë për Panairin e Turizmit në Berlin, ku do të më shihni duke folur edhe gjuhë që nuk i di fare, ju uroj një javë të mbarë”, shkruan Rama krahas videos.
