Janë shpallur zyrtarisht 106 startup-et fituese të skemës Grant 26. Një pjesë e rëndësishme e buxhetit siç u shpreh edhe tek eventi i lançimit, është dedikuar për projekte që lidhen me teknologjinë dhe ekonominë e gjelbër, duke synuar të mbështeten ide që kontribuojnë në transformimin digjital dhe në zhvillimin e zgjidhjeve të qëndrueshme për mjedisin.
Në këtë kuadër, programi synoi të mbështesë iniciativa në energji të rinovueshme, bujqësi të qëndrueshme, menaxhim mbetjesh, efiçencë energjetike, transport të qëndrueshëm dhe ruajtje të burimeve ujore, por edhe projekte në teknologjitë e informacionit, zhvillim software, inteligjencë artificiale, siguri kibernetike, blockchain dhe platforma digjitale. Qasja është që inovacioni teknologjik dhe zgjidhjet e gjelbra të ecin paralelisht si dy shtylla kryesore të zhvillimit ekonomik.
Industria më dominuese absolutisht në këtë thirrje granti është Teknologjia e Informacionit dhe Softueri (IT), e cila merr me vete më shumë se 42% të të gjithë buxhetit të alokuar. Nëse shikojmë renditjen sipas fondit të përfituar dhe numrit të start-upeve, top industritë kryesore janë:
1. Teknologjia e Informacionit & Softueri (IT)
- Buxheti i alokuar: ~228.2 milionë Lekë (42.6% e totalit)
- Numri i start-upeve: 43
2. Inteligjenca Artificiale (AI)
- Buxheti i alokuar: ~52.6 milionë Lekë (9.8% e totalit)
- Numri i start-upeve: 10
3. Mjedisi dhe Energjia
- Buxheti i alokuar: ~50.7 milionë Lekë (9.5% e totalit)
- Numri i start-upeve: 11
4. Mallra dhe Shërbime të Konsumatorit
- Buxheti i alokuar: ~42.5 milionë Lekë (7.9% e totalit)
- Numri i start-upeve: 9
5. Tregtia Elektronike (E-commerce)
- Buxheti i alokuar: ~27.0 milionë Lekë (5.0% e totalit)
- Numri i start-upeve: 5
Industritë e tjera si Kujdesi Shëndetësor, Marketing/Media, Agrikultura, Edukimi, apo Transportizënë secila nga 3% deri në 4% të buxhetit total. /businessmag.al
