Në projektbuxhetin e vitit të ardhshëm, në fushën e mbrojtjes sociale janë parashikuar 4 prioritete. Në listën e prioriteteve është rritja e numrit të përfituesve të ndihmës ekonomike, punësimi i personave që vijnë nga grupet e pafavorizuara dhe krijimi i fondit social.
– Numri i familjeve dhe individëve në nevojë që pritet të përfitojnë nga skema e ndihmës ekonomike parashikohet të jetë mesatarisht 66 mijë përfitues në vit përgjatë periudhën 2022-2024.
-Numri i përfituesve nga PAK dhe kujdestarëve të tyre parashikohet të shkojë nga 167 mijë në vitin 2022 në 174 mijë në vitin 2024.
-Mbështetja e personave nga grupet e pafavorizuara përmes punësimit në ndërmarrjet sociale synohet që në periudhën 2022-2024, të realizohet duke punësuar 200 persona çdo vit.
-Gjithashtu, krijimi i fondit social synon mbështetjen e njësive të vetqeverisjes vendore për ofrimin e shërbimeve të reja sociale territoriale për grupet në nevojë dhe mbështetjen e familjeve të NE me paketa sociale shëndetësore, me një fond rreth 200 milion lekë për vitet 2022-2024.
Implementimi i reformës do të sjellë:
– Rritjen mbi 96% të numrit të përfituesve të varfër që marrin NE mbi totalin e aplikuesve.
-Rritjen mbi 65% të numrit të personave me aftësi të kufizuar që janë komisjonuar përmes sistemit te menaxhimit të informacionit;
– Rritjen mbi 91% të numrit të përfituese të grave kryefamiljare që marrin Ndihmë Ekonomike mbi totalin e aplikuesve gra kryefamiljare;
-Rritja me më shumë se 60 e numrit të grave dhe vajzave në nevojë të riintegruara pas trajtimit në institucionet e përkujdesit social.
