53 operator ekonomik i janë nënshtruar kontrollit nga Inspektorati Shtetëror i Mbikëqyrjes së Tregut, me qëllim garantimin e sigurisë për produkteve elektrike, lodrave, sigurinë e ashensorve, jo ushqimore, si dhe metrologjinë dhe për mbrojtjen e konsumatorit.
“ISHMT, krahas informimit të konsumatorëve mbi të drejtat e tyre për të pasur produkte, pajisje apo instalime të sigurta, po punon edhe për rritjen e ndërgjegjësimit të operatorëve ekonomikë mbi kriteret ligjore që duhet të zbatojnë në fushën e sigurisë së produkteve joushqimore, pronësisë intelektuale si dhe të konsumatorëve mbi të drejtat e tyre”.
Për sigurinë e ashensorëve, trupat inspektuese të ISHMT-së kryen gjatë kësaj jave 2 inspektime. Për sigurinë e lodrave të fëmijve në treg janë realizuar gjatë kësaj jave disa inspektime. Për metrologjinë u kryen 10 inspektime në operatorë të ndryshëm ekonomik, ndërsa për sigurinë e produkteve elektrike u kryen 8 inspektime.
Inspektorët e ISHMT-së kryen po ashtu, 5 inspektime në lidhje me kontratat apo autorizimet për përdoruesit e programeve kompjuterike, në zbatim të po këtij ligji.
Njëkohësisht u kryen 3 inspektime për të siguruar zbatimin e ligjit për mbrojtjen e pronësisë industriale. Për pajisjet e mbrojtjes personale nga ana e inspektorëve të ISHMT-së u kryen 2 inspektime, ndërsa për kontrollin e veshjeve të këmbës 8 inspektime.
