Kapitali i huaj po investon në mënyrë mjaft dinamike në letrat me vlerë të Turqisë, pas kthesës që banka qendrore po bën prej një viti, duke rritur koston e huamarrjes dhe zbatuar politika më ortodokse. Flukset hyrëse të kapitalit të investimeve të huaja në obligacionet e qeverisë turke dhe një rritje në bursë nuk po i ndihmojnë familjet turke, të cilat po luftojnë për të mbijetuar, pasi rritja e normave të interesit e bën huamarrjen më të shtrenjtë, por nuk ka arritur të frenojë inflacionin.
Vetëm në maj, 6.5 miliardë dollarë rrodhën në obligacionet e qeverisë turke të shprehura në monedhën e vendit, ndërsa tregu i aksioneve ka fituar 40% që nga rizgjedhja e Erdoganit si president i vendit. Shumica e investitorëve u besojnë vlerësimeve të ministrit të financave se presionet inflacioniste do të zbuten në muajt në vijim dhe çmimet do të bien ndjeshëm në fund të vitit.
Por njerëzit vazhdojnë të vuajnë në Turqi, sepse inflacioni, i cili kishte filluar të bjerë, arriti përsëri në 76% në maj. Shqetësimi i familjeve turke është kryesisht për shkak të çmimeve të ushqimit, të cilat janë rritur me më shumë se 50% që nga fillimi i vitit 2022. Me rritjen e normave të interesit, në fund të fundit, të kombinuara me inflacionin, vitin e fundit kostoja e hipotekës shërbimi është rritur me 72%.
Prandaj, njerëzit në Turqi po luftojnë dhe nuk ndajnë optimizmin e bankës qendrore e cila këmbëngul prej shumë muajsh se deri në fund të vitit inflacioni do të ulet në gjysmën e normës aktuale.
Sipas FMN-së, në fillim të viteve 2000, në vitet e para të mandatit të Erdoganit në krye të Turqisë, rreth 30% e popullsisë turke doli nga varfëria. Pjesa më e madhe ka arritur të arrijë standardet e jetesës së klasës së mesme dhe t’i ruajë ato gjatë dy dekadave të fundit apo më shumë.
Megjithatë, problemi është se, me zhvillimet e viteve të fundit në ekonominë turke, ata turq që përfituan vitet e mëparshme, kur normat e interesit ishin në nivele të paarsyeshme të ulëta, tani rrezikojnë të ‘shfarosen’ financiarisht.
