Kuvendi i Shqipërisë votoi të hënën e 17 shkurtit Gentian Salën në detyrën e Kryetarit të Këshillit Drejtues të Autoritetit të Komunikimeve Elektronike dhe Postare (AKEP), me 73 vota pro.
Ai zëvendëson në këtë detyrë Tomi Frashërin, mandati i të cilit kishte përfunduar në dhjetor të vitit të kaluar.
Gentian Sala ka mbajtur pozicionin e Kryetarit të Autoritetit të Medias Audiovizive (AMA) gjatë periudhës 2014-2019.
Në vitin 2021, Sala u përzgjodh që të koordinonte marrëdhëniet dypalëshe mes Shqipërisë dhe Kosovës.
I diplomuar për juridik në Fakultetin e Drejtësisë, Universiteti i Tiranës, ai ka ndjekur më pas një specializim Master për “Studime Evropiane”.
Prej vitit 2004 ai mban titullin avokat, ndërsa zotëron gjuhën angleze dhe italiane.
