Tarifa e shërbimit të radiokomunikacionit për vitin 2024 arkëtoi në Buxhetin e Shtetit 484.6 milionë lekë.
Sipas raportit të Autoritetit të Komunikimeve Elektronike dhe Postare, nga vlera e arkëtuar, 5% është mbajtur në burim nga AKEP, sipas udhëzimit nr. 27, datë 16.12.2014 të Ministrisë së Financave dhe Ekonomisë.
Për vitin 2024 janë derdhur në llogarinë e Tatimeve rreth 460.3 milionë lekë. Përfundimi me sukses i garës për dhënien në përdorim të brezit 3500 MHz dhe rinovimi i AI për brezin 900-1800MHz, sollën arkëtimin në buxhetin e shtetit të shumës prej 14,9 milionë Euro, si dhe arkëtimin e rreth 10.9 milionë lekë tarifë komunikacioni të derdhur më shumë se planifikimi për vitin 2024.
Pagesat e këstit të dytë për t’u arkëtuar në Buxhetin e Shtetit në shumën dhe 6.8 milionë Euro do të kryhen gjatë vitit 2025, përkatësisht shuma prej 1.4 milionë deri më 30.3.2025, si dhe 5.4 milionë deri me 25.5.2025.
Të ardhurat e përfituara si agjent tatimor nga komisionet në masën 5% të shumës së derdhur në Buxhetin e Shtetit janë në vlerën rreth 24.2 milionë lekë ose rreth 103% e planit për vitin 2024.
Të ardhurat e përfituara nga komisionet si agjent tatimor janë përdorur për shpërblimin e punonjësve në vlerën 14.1 milionë lekë, 10.1 milionë lekë është përdorur për të financuar investimet, pothuajse në të njëjtat nivele si vitet e kaluara./ekofin.al
