Rritja e Inteligjencës Artificiale (IA) sjell përfitime të mëdha, por gjithashtu edhe sfida – kryesorja ndër to është konsumi i lartë i energjisë elektrike nga kjo teknologji.
Në partneritet me Tema ETFs dhe si postimi i dytë gjatë javës VOLTage, shifrat paraqesin se si pritet që IA të nxisë rritjen e kërkesës për energji elektrike në vitet në vijim, duke përdorur të dhëna nga McKinsey.
IA dhe Konsumi i Energjisë
Inteligjenca artificiale konsumon shumë energji për disa arsye. Trajnimi i një modeli kërkon përpunimin e dataset-eve gjigante, gjë që kërkon sasi të mëdha fuqie kompjuterike. Sa më kompleks të jetë modeli, aq më shumë energji nevojitet për ta ekzekutuar. Edhe pas trajnimit, konsumi i energjisë vazhdon. Çdo herë që një IA jep një përgjigje – proces i quajtur inference – kërkohet fuqi e GPU-ve (Graphics Processing Unit), duke shtuar ndjeshëm kërkesën për energji.
Qendrat e të Dhënave
IA nuk mund të funksionojë në kompjuterë të zakonshëm, për shkak të madhësisë dhe kompleksitetit të modeleve. Për këtë arsye, nevojiten qendrat e të dhënave, të cilat ofrojnë GPU-të e specializuara, hapësirën e ruajtjes dhe rrjetëzimin e nevojshëm për trajnimin dhe përdorimin e modeleve. Të gjithë këta komponentë konsumojnë sasi të mëdha energjie. Për më tepër, duhen edhe sisteme ftohjeje për të parandaluar mbinxehjen e serverëve, duke rritur më tej konsumin e energjisë. Me rritjen e përdorimit të IA-së, rritet edhe kërkesa për energji e lidhur me zgjerimin e kapaciteteve të qendrave të të dhënave.
Pjesa në rritje e IA në kapacitetin e qendrave të të dhënave
Në vitin 2025, parashikohet që inteligjenca artificiale të konsumojë më shumë kapacitet të qendrave të të dhënave se të gjitha ngarkesat e tjera të kombinuara – 44 gigavat kundrejt 38 gigavatëve. Kjo i jep IA-së një pjesë prej 54% të kapacitetit total.
Duke parë përpara, zhvendosja bëhet edhe më dramatike. Deri në vitin 2030, kërkesa nga ngarkesat e IA pritet të arrijë 156 gigavat, kundrejt 64 gigavatëve për përdorimet jo-IA. Në atë pikë, IA do të përfaqësojë gati 71% të gjithë kërkesës së qendrave të të dhënave.
E ardhmja
Kërkesa për energji elektrike pritet të rritet në mënyrë të qëndrueshme ndërsa adoptimi i IA-së përshpejtohet dhe qendrat e të dhënave zgjerojnë kapacitetet e tyre. Ky rritje strukturore mund të krijojë një impuls të fuqishëm për kompanitë e përfshira në prodhimin e energjisë, infrastrukturën e rrjetit dhe teknologjitë e energjisë. Për investitorët, ky sektor mund të ofrojë një mundësi afatgjatë tërheqëse për të përfituar nga tranzicioni digjital dhe energjetik që po formëson të ardhmen./Përshtati nga Visual Capitalist, ekofin.al

