Kreditimi i investimeve në energjetikë vijon të kryesojë në totalin e huasë që bankat dhanë për ekonominë e vendit.
Referuar të dhënave nga Banka e Shqipërisë, në sektorin e energjisë elektrike rritja e kreditimit është e ndjeshme, pasi në shtator të këtij viti huaja e re për sektorin fiksohet në 1.28 miliardë lekë, nga 231 milionë që ishte në muajin gusht.
Ekspertët e bankave shprehen se, politikat e qeverisë për diversifikimin e investimeve në sektorin energjetik, përveç HEC-eve, edhe parqet fotovoltaike apo eolike po mbështeten nga zgjerimi i kreditimit.
Ndërkohë, energjetika është sektori që po vijon të udhëheqë investimet e huaja direkte në Shqipëri duke sjellë pjesën më të madhe të investimeve, me rreth 28 % të totalit.
