Trump paralajmëroi se NATO përballet me një “të ardhme shumë të keqe” nëse aleatët nuk i përgjigjen thirrjes së tij për të krijuar një forcë ndërkombëtare detare që do të garantonte mbajtjen e hapur të kësaj rruge kyçe ujore.
Po mbyllim tani mbulimin tonë të drejtpërdrejtë për ditën e 18-të të luftës me Iranin, një ditë që nisi me autoritetet në Emiratet e Bashkuara Arabe që mbyllën përkohësisht hapësirën ajrore të vendit pas një vale sulmesh iraniane që shënjestruan emiratet e Dubait dhe Fujairahut.
Më vonë gjatë ditës, Izraeli njoftoi se kishte vrarë dy zyrtarë të lartë të sigurisë iraniane në sulme të natës, duke i dhënë një goditje të madhe lidershipit të vendit.
Ali Larijani ishte sekretar i Këshillit Suprem të Sigurisë Kombëtare të Iranit, ndërsa gjenerali Gholam Reza Soleimani drejtonte forcën vullnetare Basij të Gardës Revolucionare.
Vonë të martën, Teherani konfirmoi vdekjen e Soleimanit, por ende nuk ka dhënë një deklaratë për Larijanin.
Ndërkohë, presidenti amerikan Donald Trump, thirrja e të cilit për ndihmë nga aleatët për të rihapur ngushticën e Hormuzit për trafikun e naftës është refuzuar në masë të madhe, deklaroi në një postim në rrjetet sociale se forcat amerikane “nuk kanë më nevojë” për ndihmë ushtarake në luftën me Iranin.
“Për shkak të suksesit tonë të madh ushtarak, ne nuk kemi më ‘nevojë’, as dëshirë për ndihmën e vendeve të NATO-s – NUK E KEMI PASUR ASNJËHERË! Po kështu edhe Japonia, Australia apo Koreja e Jugut,” shkroi Trump në rrjetin e tij Truth Social, duke shtuar: “NUK NA DUHET NDIHMA E ASKujt!”/Përshtati nga Euronews, ekofin.al
