Agjencia Kombëtare e Shoqërisë së Informacionit, AKSHI, ka hapur tenderin për procedurën e mirëmbajtjes së sistemit të fiskalizimit, për një afat 2-vjeçar, nga data e nënshkrimit të kontratës. Vlera limit e fondit në dispozicion është rreth 7.8 milionë Euro dhe në dokumentat e tenderit janë listuar një sërë kërkesash për operatorin që do të arrijë të shpallet fitues.
Qëllimi kryesor i këtij projekti është mirëmbajtja e sistemit te Menaxhimit te Kontrollit te Faturimit (sistemi i Fiskalizimit) për Drejtorine e Përgjithshme të Tatimeve. Duke garantuar funksionimin e plotë të sistemit elektronik, në të gjithë komponentet e tij: softëare dhe hardëare, thuhet në specifikimet e tenderit.
Ky sistem është i hostuar në Datacenter-in Qeveritar, prane Agjencisë Kombëtare të Shoqërisë së Informacionit (AKSHI) dhe ofron shërbimet për rreth 125 mijë tatimpagues si dhe për vetë administratën tatimore.
Kontraktori duhet të kryejë përmirësime apo modifikime të sistemeve që përfshin, por nuk kufizohet vetem në:
- Azhornimin, dhe modifikimin e sistemeve ekzistuese.
- Testimin dhe përshtatjen e rregullave të riskut me çdo ndryshim ligjor përgjatë gjithë periudhës së zbatimit të kontratës.
- Implementimin e rregullave të reja që marrin të dhëna nga sisteme të tjera ose palë të treta.
- Sistemi duhet të ofrojë mundësinë e krijimit të katalogëve të ndryshëm të riskut.
- Përditësimin e dokumentave të secilit rregull me kushtet aktuale të vendosura në sistem.
- Ndjekjen ne kohe te kerkesave nga drejtorite funksionale per ndryshime/ permiresime te adresuara nga aurtoriteti perfitues nepermjet kanaleve zyrtare nga grupet e dedikuara te punës.
- Pastrimin dhe konvertimin e te dhenave pas aprovimit me shkrim nga Autoriteti Perfitues.
- Modifikimin e formateve te perdorur sipas kerkesave ligjore.
- Permiresimi i performances se proceseve aktuale te sistemeve te perfshira ne kete kontrate.
- Permiresimi i raporteve aktuale qe prodhohen nga sistemet e perfshira ne kete kontrate sipas kerkesave te institucionit.
- Përditësimi i dokumentacionit teknik.
Gjithashtu, pjesë e kontratës do të jenë edhe shërbimet e konsulencës, ku do të ofrohet asistencë teknike për stafin e Drejtorisë së Përgjithshme të Tatimeve, si edhe duhet të zhvillohen trajnime për një pjesë të stafit. Afati për paraqitjeve e ofertave të tenderit është lënë data 29 maj 2025, pra një muaj nga data e sotme. /ekofin.al
