Ndërsa Greqia përballet me krizën e mungesës së ujit, qeveria e vendit po kërkon një zgjidhje të re: shkripëzimin me energji të rinovueshme.
Kriza e ujit në Greqi është përkeqësuar nga ndryshimet klimatike dhe rritja e madhe e turizmit brenda vendit. Mungesa e ujit është bërë një çështje kritike për shumë ishuj si Naksos, Mikonos, Kinthos dhe Serifos. Prandaj, për të mbuluar kostot për njësitë e shkripëzimit me energji intensive, janë propozuar burimet e rinovueshme të energjisë.
Projekti i planifikuar me vlerë 50 milionë euro u diskutua gjatë Konferencës së Ishujve të Vegjël në ishullin grek të Milosit. “Ekziston një plan nga Sekretariati i Përgjithshëm i Politikës për Egjeun dhe ishujt e vegjël dhe të mëdhenj”, tha zëvendësministri i Transportit dhe Politikës Ishullore Stefanos Gikas.
“Kemi identifikuar 250 projekte që janë të nevojshme që të mos kemi problem me mungesën e ujit në vitin 2025.”Rreth 51% e popullsisë në Ishujt Ciklade pinë ujë të shkripëzuar, por shkencëtarët kanë shprehur dyshime për cilësinë e tij.
Agjenda strategjike e miratuar nga Këshilli Evropian për pesë vitet e ardhshme angazhohet për forcimin e qëndrueshmërisë ndaj ujit në të gjithë BE-në, duke investuar gjithashtu në infrastrukturë të bollshme ndërkufitare për ujë.
