Kryeministri i Spanjës, Pedro Sanchez i bëri thirrje spanjollëve që të vazhdojnë vaksinimin, ndërkohë që rastet me Covid-19 janë rritur në vend, por tha se nuk pret shumë shtrime në spitale apo njësi intensive, si me valët e mëparshme. Norma e infeksioneve me koronavirus nëSpanjë kaloi 1,000 raste për 100,000 banorë për të parën herë ditën e hënë, nxitur nga varianti Omicron, pavarësisht se spitalet ndodhen në më pak vështirësi se në valët e mëparshme të pandemisë.
Norma, e mautr në 14 ditët e fundit, u rrit në 1,206 raste për 100,000 banorë, pas fundjavës së Krishtlindjeve. Ministria e Shëndetësisë shtoi 120 vdekje duke e çuar totalin në 89,139. Vdekjet ditore kanë qëndruar në pranë 100, poshtë majës prej 1,000 në valën e parë të pandemisë.
Në Madrid, qindra banorë janë shqetësuar mbi rrjten e variantit Omicron në vend dhe kanë mbajtur radhët për t’u testuar pas fundjavës së pushimeve. “Është një masë parapërgatitëse, për shkak se do drekoj me prindërit. Dua të jem i kujdesshëm”- tha një Jose, një banor në Madrid për Reuters.
Edhe spe qeveria më 23 Dhjetor publikoi një dekret kombëtar të vendosjes së detyruar të maskave në ambiente të jashtme dhe të brendshme, rajonet spanjolle, që kontrollojnë politikat e veta shëndetësore, kanë ndërmarrë qasje të ndryshme ndaj variantit Omicron. Katalonja, që ka adaptuar masën më të ashpër që prej Majit, ka ndaluar banorët që të dalin nga shtëpia nga ora 1 deri në 6 të mëngjesit nga data 23 Dhjetor. Nga ana tjetër, rajoni i Madridit, nuk ka ndërmarrë masa shtesë.
