Zëvendëskryeministrja Belinda Balluku, së bashku me administratorin e OSHEE Enea Karakaçi dhe Administratorin e OSSH Blendian Dalipi, zhvilluan një takim me punonjësit e Operatorit të Sistemit të Shpërndarjes, nisur edhe nga zbatimi më 1 shkurt i çmimit të reduktuar të energjisë për familjarët.
“Jemi me një grup tjetër punonjësish që janë lexuesit e terrenit. Një detyrë e vështirë, e cila mban një peshë edhe të kontenstimeve. Jeni 870 punonjës, të cilët do të shtohen edhe me 120 punonjës të rinj. Nga data 1 shkurt OSHEE do të aplikoj një çmim të ri prej 10.5% më pak,” tha Balluku.
“Rreth 90% e abonentëve janë familjarë, matja duhet të jetë 30-ditore dhe nuk duhet të ketë vonesa.”
Më tej shtoi se janë ngritur mekanizmat për kryerjen e matjeve korrekte. Sa u përket ankesave Balluku tha: “Janë pakësuar ankesat me 30%. Çmimi i ri kërkon vëmendje më të madhe. Ulja e çmimit me 9.5% për kW/h, në një kohë kur çmimi i energjisë në botë po rritet. Janë rritur gjithashtu arkëtimet,” u shpreh Zvkryeministrja.
Sipas administratorit të OSHEE, për vitin 2024 kanë mbërritur më pak ankesa përsa i përket faturave, krahasuar me vitin 2023.
Kemi hapur aplikimet për 120 punonjës të ri, për leximin e matësave. Tek matësat inteligjentë, janë vendosur dhe disa filtra shtesë që të ruhen ajo kategori familjarësh që kalojnë konsumin 700 këh. Së fundmi që puna që ka ndërmarrë kjo kompani dhe të gjitha strukturat, në uljen e ankesave është shumë e konsiderueshme. Në 2024 kemi 30% të ankesave për keqfaturim më pak se viti 2023. Puna juaj ka përmirësimet e veta,” theksoi kryeadministratori i OSHEE.
