Nga Krislen Keri, ekspert aviacioni
Aeroporti Ndërkombëtar i Tiranës (TIA) është kthyer në një qendër udhëtimi për linjat buxhetore (ULCC) si Wizz Air dhe Ryanair, duke ofruar bileta të përballueshme, por kërkon një përgatitje të kujdesshme për të shmangur surprizat dhe nervat në Aeroport.
1. Zgjidhni orarin e duhur për fluturimin
Oraret me ngarkesë të lartë mund të ndikojnë ndjeshëm në përvojën tuaj:
▪️Piku mëngjesit (04:00 – 07:00) dhe i pasdites (13:00 – 18:00): Pritje të gjata në check-in dhe tek kontrolli i sigurisë.
▪️Mesdita (11:00 – 13:00): Periudha më e qetë për udhëtim.
▪️Mbrëmja (20:00 – 23:00): Mund të ketë vonesa të akumuluara nga fluturimet gjatë ditës.
Këshillë: Mbërrini të paktën 2-3 orë më parë në oraret e pikut dhe zgjidhni oraret optimale për një eksperiencë të qetë.
2. Rregullat ULCC: Përgatituni për shërbimet/produktet shtesë
Linjat ULCC ofrojnë bileta të lira, por mbështeten shumë në tarifat shtesë për shërbime/produkte.
Bagazhet
▪️Carry-on vs Cabin Trolley: Vetëm një çantë dore përfshihet në biletën bazë (max 7kg). Për valixhe shtesë kabine (max 10kg), rezervoni paraprakisht për të shmangur tarifat e larta në aeroport.
▪️Bagazhi për Check-in: Blini kur rezervoni biletën për të kursyer deri në 50%.
▪️Kontrolloni peshën dhe përmasat: ULCC-të janë të rrepta në rregulla – një peshore dore mund t’ju kursejë shumë stres dhe tarifa.
Sediljet
Nëse udhëtoni në grup, zgjidhni sediljet paraprakisht për t’u ulur bashkë. ULCC shpesh ju shpërndajnë automatikisht në vende të ndryshme. S’është etike të kërkoni ndërrime me pasagjerët e tjerë në avion.
Ushqimi dhe pijet
Ushqimi nuk përfshihet në biletë. Merrni ushqime të lehta me vete ose planifikoni të blini gjatë fluturimit.
3. Përgatituni për aeroportin
Online check-in: Bëjeni menjëherë kur hapet për të shmangur nervat dhe tarifat e larta në aeroport.
▪️Dokumentet: Sigurohuni të keni boarding pass-in të printuar ose në telefon. TIA nuk pranon ende biletat elektronike.
▪️Përcillni orarin e portës: Kontrolloni ekranet për ndonjë ndryshim. Në oraret e ngarkuara, përgjegjësia për të ndjekur kohën është e juaja.
4. Këshilla shtesë për një udhëtim Smart
Alarmet e çmimeve: Aktivizoni alarme përmes aplikacioneve si Skyscanner për të kapur çmimet më të ulëta.
Zbritje nga programet/abonimet e kompanive:
▪️Abonohuni në programet e kompanive ajrore për të kursyer në bileta dhe produktet shtesë.
▪️Planifikoni gjatë javës: Fluturimet të martën ose të mërkurën janë zakonisht më të lira dhe më pak të ngarkuara.
A keni këshilla të tjera? Ndani përvojat tuaja dhe ndihmoni të tjerët të udhëtojnë më lehtë dhe lirë!
