Kredia e re për bizneset e sektorit privat në pesë muaj e parë të këtij viti, arriti vlerën 72.2 miliardë lekë, në rritje me 39% krahasuar me të njëjtën periudhë të vitit të kaluar.
Banka e Shqipërisë bën të ditur se, huadhënia nga bankat tregtare për biznesin paraqitet në rritje, si për nevojat afatshkurtra për kapital qarkullues, ashtu edhe për investime në makineri, teknologji etj.
Sipas BSH-së, trendi në rritje i kreditimit është nxitur nga rritja e volumit të aktivitetit dhe rritja e inflacionit, por edhe nga vijimësia e zgjerimit të investimeve.
Referuar statistikave, gjatë këtij 5-mujori, kredia ka shënuar rritje edhe në segmentin e korporatave publike, me 18% më shumë krahasuar me një vit më parë.
Në këtë rast, kreditimi është i lidhur kryesisht me nevojat për importin e energjisë elektrike të kompanive të sektorit energjetik.
