Kryeministri Edi Rama deklaroi sot se Inteligjenca Artificiale do të bashkëveprojë në të ardhmen edhe me deputetët e Partisë Socialiste në parlament.
Nga Berlini ku ndodhet për të marrë pjesë në Global Dialogue (BGD), forumi ndërkombëtar i nivelit të lartë që zhvillohet çdo vit në kryeqytetin e Gjermanisë, duke folur për ministren e Shtetit për Inteligjencën Artificiale, Diellën, tha se kjo e fundit do të ketë së shpejti “83 fëmijë”.
Sipas Ramës, ata do të jenë për çdo deputet të PS-së në Kuvend, dhe do të shërbejnë si asistentë, për të mbajtur shënim gjithçka që ndodh në Kuvend. Sipas Ramës asistentët do të kenë dijen e Diellës sa i përket legjislacionit të BE-së.
“Diella është shtatzënë dhe pret 83 fëmijë, secili që do të jetë për çdo anëtar të parlamentit tonë dhe që do të shërbejë si asistentë për ta, që do të marrin pjesë në seancat parlamentare dhe do të mbajnë shënim për gjithçka që ndodh dhe që do t’i informojnë e sugjerojnë anëtarët e parlamentit lidhur me reagimet e tyre. Këta fëmijë do të kenë dijen e nënës së tyre sa i takon legjislacionit të BE-së.
“Nëse shkon për kafe dhe harron të kthehesh në punë, ky fëmijë do të thotë se çfarë është thënë kur t’i nuk ishe në sallë dhe nëse është përmendur emri yt, e nëse të duhet të kundërsulmosh dikë që të ka përmendur për arsye të gabuara”, u shpreh Rama.
