Agjencia e Prokurorimit Publik njofton të gjithë autoritetet kontraktore, operatorët ekonomikë, audituesit, si edhe përdoruesit e tjerë të platformës online të prokurimeve, se duke nisur nga dita e premte, në orën 14:00, pra pas përfundimit të orarit zyrtar të punës në administratën shtetërore, deri në 19 prill, në orën 23:59, do të realizohen disa përmirësime në portalin e APP-së.
Për këtë arsye, APP bën me dije se të gjithë ata që do të përpiqen të aksesojnë portalin midis kësaj periudhe kohore, mund të hasin problematika dhe për këtë rast, duhet t’i drejtohen për asistencë Agjencisë së Prokurimeve, në adresën e saj të emailit info@app.gov.al.
Sistemi elektronik i prokurorive, ku realizohen shpalljet e të gjithë tenderave me autoritete publike, përfshirë edhe të gjitha tenderat e realizuar nga Operatori i Blerjeve të Përqendruara, mirëmbahet nga InfoSoft Systems sh.p.k dhe ikubINFO sh.p.k. Në mënyrë periodike, sistemi i nënshtrohet mirëmbajtjes, si edhe në këtë rast përmirësimeve, me qëllim rritjen e parametrave dhe mirëfunksionimit të tij. /ekofin.al
