Ministria e Bujqësisë ka vendosur të ndalojë përkohësisht lëvizjen e kafshëve të gjalla në territorin e Shqpërisë.
Ky ndalim lidhet me faktin e shfaqjes së sëmundjes së murtajës te dhentë dhe dhitë.
Sipas autoriteteve vatra e parë e murtajës së ruminantëve të vegjël u evidentua në qarkun e Korçës, konkretisht në fshatin Shuec të bashkisë Devoll. Autoritetet e shërbimit veterinar po kryejnë të gjitha procedurat përkatëse të izolimit, dezinfektimit dhe marrjes së mostrave.
Përmes dy urdhrave, Ministria urdhëron marrjen e masave kufizuese për parandalinin e kontrollit të sëmundjes së murtajës dhe ndalimin e tregtimit të ruminatëve të vegjël në tregjet e kafshëve të gjalla, panaire dhe grumbullime të tjera. Ndalimi i lëvizjes së ruminantëve të vegjël dhe specieve të tjera të mbarështuar në fermën e prekur nga sëmundja.
Gjithashtu urdhërohet intensifikimin e mbikëqyrjes së popullatave të ruminantëve të vegjël dhe forcimi i masave të biosigurisë. Udhri thekson se kafshët e llojit të imëta duhet të mbarështohensipas kërkesave shëndetësore të mbarështimit tëtyre, si dhe të jenë të izoluara nga kafshët e tjera në fermë dhe të kufizohet kontakti me kafshët e tjera. Po kështu udhërohet edhe intensifikimin e fushatave të ndërgjegjësimit të fermerëve, transportuesve të kafshëve, veterinerëve privatë dhe shërbimit veterinar shtetëror.
Zbatimi i këtyre masave do të aplikohet në disa zona të Tiranës dhe të Dibrës.
Ndërkohë me urdhrin nr. 575, datë 9.6.2025, Ministria ka vendosur ndalimin e përkohshëm të lëvizjes së kafshëve të gjalla të llojit dhen dhe dhi, nga ferma në fermë, shtegtimin dhe kullotjen në kullota, në të gjithë territorin e Republikës së Shqipërisë.
Gjithashtu ndalohet përkohësisht tregtimi i këtyre bagëtive në tregjet e kafshëve të gjalla, mjedise të hapura, panaire dhe grumbullime të tjera në të gjithë territorin e Republikës së Shqipërisë. Lëvizja e tyre për në thertore bëhet e shoqëruar me certifikatë shëndetësore veterinare, e lëshuar nga veterineri zyrtar./ekofin.al
