Parkimi “dysh” apo në vende ku bllokohen rrugët e kalimit e ka detyruar Policinë Rrugore, por edhe atë Bashkiake të marrë masa duke rritur numrin e karroatrecëve. Ndërkohë që trafiku sa vjen e rëndohet në Tiranë dhe njerëzit s’kanë ku të lënë makinat, gjobat nuk mund të shërbejnë si sensibilizim. Ndaj në këtë rast, për të zhbllokuar rrugët, efektivët po ndërhyrjën me largim mjeti.
Sipas të dhënave mga Rrugorja, në një javë hiqen mesatarisht 38 -40 makina që shkojnë në pikë bllokimi, deri në pagesën e të gjitha gjobave. Në këtë rast gjobat janë edhe më të majme, padi duhet paguar edhe tarifa e karroatrecit, madje edhe kamara nëse mjeti rri gjatë në pikë bllokimi.
Kështu përveç gjobës për shkelje që zakonisht është 3000 lekë, drejtuesi i mjetit paraqitet për të tërhequr automjetin dhe bëhet dhe pjesa e pagesës, tarifa të mjetit ngritës. Çdo ditë i vazhdon kamata me një vlerë 500 lekë të reja deri me një afat prej 90 ditësh. Mbas 90 ditëve, nëse automjeti nuk tërhiqet nga pronari kalon në favor të shtetit.
Policia Rrugore risjell në vëmendje nevojën për lirimin e hapësirave, ku problemet hasen më shpesh. Vetëm me një gjobë parkimi fenomeni nuk po zbutet, ndaj kërkohet më tepër ndaj shkelësve të rregullave. Por paralelisht me ndëshkimet, autoritetet duhet të mendojnë edhe për të shtuar parkingjet publike. /ekofin.al
