Ministria e Financave ka miratuar Udhëzimin nr. 24, datë 6.11.2025, i cili sjell një sërë shtesash dhe sqarimesh në mënyrën e përllogaritjes së tatimit mbi të ardhurat personale, duke shtuar tre shembuj të rinj ilustrues në pikën 24.6 të udhëzimit ekzistues të vitit 2023. Këto shembuj përshkruajnë situata të ndryshme praktike — nga rasti i një individi të punësuar vetëm një muaj, te individët me dy punësime, e deri tek ata që kombinojnë të ardhurat nga puna me ato nga qiraja.
Në vijim, paraqitet një shpjegim i plotë i shembujve të rinj, mënyrës së llogaritjes dhe detyrimeve tatimore për secilën kategori.
Shembulli 2 – I punësuar vetëm një muaj gjatë vitit dhe me fëmijë në ngarkim
Individi “C” ka punuar vetëm gjatë muajit maj 2025 dhe ka marrë një pagë bruto prej 500,000 lekësh. Ai ka një fëmijë në ngarkim dhe ka dorëzuar Deklaratën e Statusit Personal. Nuk ka kontribute në fond pensioni privat.
a) Llogaritja e tatimit mujor në listëpagesë
• Të ardhura bruto: 500,000 lekë
• Zbritje sipas nenit 22: 30,000 lekë
• Baza e tatueshme: 470,000 lekë
Tatimi mujor:
• 170,000 lekë × 13% = 22,100 lekë
• 300,000 lekë × 23% = 69,000 lekë
Totali: 91,100 lekë
Kjo shumë është tatimi i paguar në burim.
b) Tatimi mbi të ardhurat vjetore sipas DVAP
Individi nuk ka detyrim të dorëzojë DVAP, pasi ka vetëm të ardhura nga punësimi. Por nëse zgjedh të deklarojë:
• Të ardhura vjetore: 500,000 lekë
• Zbritje deri në 600,000 lekë + 48,000 lekë kompensim për fëmijën
Diferenca rezulton negative:
500,000 – (600,000 + 48,000) = –148,000 lekë
Baza tatimore = 0.
Tatimi vjetor: 0 lekë.
c) Rezultat i DVAP: Tatim i mbipaguar
Në DVAP, individit i rezulton një rimbursim:
91,100 lekë të paguara – 0 lekë detyrim = 91,100 lekë rimbursim.
Shembulli 3 – Individi me dy punësime gjatë gjithë vitit
Individi “D” punon paralelisht në dy kompani (“X” dhe “Z”), duke marrë pagën minimale në të dyja. Ai ka dorëzuar Deklaratën e Statusit Personal vetëm tek kompania “X” dhe nuk ka fëmijë në ngarkim.
a) Llogaritja mujore e tatimit në dy punësimet
Kompania “X”
• Paga: 40,000 lekë
• Zbritje sipas nenit 22: 50,000 lekë
Baza e tatueshme: 0
Tatimi mujor: 0 lekë
Kompania “Z”
• Paga: 40,000 lekë
• Nuk përfiton zbritje, pasi deklarata e statusit është dorëzuar te punëdhënësi tjetër
Tatimi mujor: 5,200 lekë
Tatimi vjetor: 62,400 lekë
b) Tatimi vjetor sipas DVAP
Individi ka detyrim për të dorëzuar DVAP, pasi është i dypunësuar.
• Të ardhura vjetore: 960,000 lekë
• Zbritje sipas nenit 22: 360,000 lekë
• Baza tatimore: 600,000 lekë
Tatimi vjetor:
600,000 × 13% = 78,000 lekë
c) DVAP rezulton me tatim për t’u paguar
Tatimi i paguar gjatë vitit (62,400 lekë) është më i ulët se detyrimi sipas DVAP (78,000 lekë).
Diferenca:
78,000 – 62,400 = 15,600 lekë për t’u paguar.
Shembulli 4 – Të ardhura të kombinuara nga punësimi dhe qiraja
Individi “E” ka përfituar:
• 100,000 lekë/muaj për 11 muaj
• 250,000 lekë pagë në muajin dhjetor si shpërblim
• 240,000 lekë të ardhura vjetore nga qiraja
• Nuk ka fëmijë në ngarkim
• Ka dorëzuar Deklaratën e Statusit Personal
a) Tatimi mujor në listëpagesë
Janar–Nëntor
• Baza e tatueshme: 70,000 lekë
• Tatimi mujor: 9,100 lekë
Totali: 100,100 lekë (9,100 × 11)
Dhjetor
• Baza e tatueshme: 220,000 lekë
• Tatimi mujor: 33,600 lekë
Gjithsej tatimi vjetor nga punësimi:
133,700 lekë
b) Llogaritja sipas DVAP
Individi ka detyrim të deklarojë DVAP për shkak të të ardhurave mbi 1.2 milion lekë dhe të ardhurave nga qiraja.
• Të ardhura nga punësimi: 1,350,000 lekë
• Zbritje sipas nenit 22: 360,000 lekë
• Baza tatimore: 990,000 lekë
Tatimi vjetor: 128,700 lekë
c) Tatimi nga qiraja
• 240,000 × 15% = 36,000 lekë
Gjatë vitit nuk është paguar tatim për qiranë (qiramarrësi është individ), ndaj kjo shumë duhet paguar në DVAP.
ç) Rezultati i DVAP: Pagesë neto 31,000 lekë
Rregullimi përfundimtar është:
• Rimbursim nga punësimi: 5,000 lekë
• Detyrim për qiranë: 36,000 lekë
Bilanci:
36,000 – 5,000 = 31,000 lekë detyrim për t’u paguar.
Udhëzimi i ri për Tatimin mbi të Ardhurat sjell qartësime të rëndësishme praktikash tatimore për raste që shpesh hasen në tregun e punës si të punësuar sezonalë apo me periudha të shkurtra, të dypunësuar, individë me të ardhura të kombinuara nga punësimi dhe qiraja.
Shembujt e rinj shpjegojnë hap pas hapi mënyrën e llogaritjes së tatimit mujor dhe vjetor, efektet e zbritjeve, detyrimin për DVAP, si dhe mënyrën si përcaktohet nëse një individ ka tatim për t’u paguar apo për t’u rimbursuar.
Në këtë mënyrë, udhëzimi ndihmon si administratën tatimore, ashtu edhe tatimpaguesit, të zbatojnë më saktë dhe më qartë ligjin nr. 29/2023 “Për tatimin mbi të ardhurat”. /ekofin.al
