Nga ndalimi i alkoolit dhe fishekzjarreve te kufizimi i lëvizjes së fëmijëve të pashoqëruar. Ja disa qytete që kanë marrë masa drastrike pë ndërrimin e viteve.
Venecia ka vendosur ndalimin e konsumit të alkoolit në natën e Vitit të Ri si masë sigurie. Ajo u bashkohet qyteteve të tjera anembanë botës që kanë provuar masat kundër mbajtjes ose konsumimit të pijeve në vende publike.
Kufizimi vlen gjithashtu për shitjen e alkoolit në dyqane dhe bare.
Ja çfarë duhet të dinë udhëtarët për rregullat rreth pirjes së alkoolit gjatë festimeve të fundvitit.
Venecia ndalon alkoolin në natën e Vitit të Ri. Gjithashtu ndalohet mbajtja ose konsumimin e pijeve në enë qelqi – si alkoolike edhe joalkooolike – në vende publike gjatë Vitit të Ri. Kufizimi është në fuqi nga ora 19:00 më 31 dhjetor deri në orën 6 të mëngjesit të 1 janarit.
Shitja e pijeve alkoolike dhe joalkoolike në shishe qelqi, kanaçe të mbyllura ose shishe plastike të mbyllura është gjithashtu e ndaluar gjatë së njëjtës periudhë. Këtu përfshihen baret dhe restorantet – edhe ato me tarraca në natyrë. Njerëzve u ndalohet gjithashtu të mbajnë sprej piperi. Ata që zbulohen se shkelin rregullat përballen me gjoba nga 25 deri në 500 euro.
Kryebashkiaku i Venecias, Luigi Brugnaro, ka përmendur shqetësimet e sigurisë dhe rendit publik si arsyet e tij për sjelljen e urdhëresës.
Strasburgu ndalon alkoolin dhe kufizimin e lëvizjes së fëmijëve të pashoqëruar për Vitin e Ri
Qyteti francez i Strasburgut ka ndaluar shitjen dhe konsumimin e alkoolit në rrugët publike nga ora 12:00 e 31 dhjetorit deri në orën 12:00 më 1 janar.
Ekziston gjithashtu një kufizim lëvizjeje për ata nën moshën 16 vjeç që nuk shoqërohen nga një “prind ose përfaqësues i autoritetit prindëror” midis orës 22:00 të datës 31 dhjetor dhe 6 të mëngjesit të 1 janarit.
Lyon ndalon alkoolin dhe fishekzjarrët në natën e Vitit të Ri
Lyon ka kufizuar gjithashtu konsumimin e alkoolit në rrugët publike nga ora 17:00 më 31 dhjetor deri në orën 11:00 të 1 janarit.
Shitja e alkoolit është e ndaluar nga ora 20:00 më 31 dhjetor deri në orën 9 të mëngjesit të 1 janarit. Shitja, blerja, mbajtja dhe transportimi i fishekzjarrëve është i ndaluar nga ora 06:00 e 30 dhjetorit deri në orën 06:00 të datës 3 janar./euronews
