Inspektorati Shtetëror i Punës do të mund të përdorë Matricën e Inteligjencës dhe Vlerësimit të Riskut (MIRA), për të gjurmuar të gjithë ato subjekte apo ndërmarrje që operojnë në informalitet.
Referuar Orgnaizatës Ndërkombëtare të Punës, MIRA do të shërbejë për pikasur më shpejt punën e padeklaruar dhe jo vetëm.
Por, ndryshe nga sistemet statike, MIRA mund tëpërmirësohet duke u avancuar me zhvillimin e kohës.
Gjithashtu, sipas Orgnaizatës Ndërkombëtare të Punës mbi 12,000 inspektime të kryera çdo vit në Shqipëri dhe të dhëna të mbledhura për më shumë se 100 variabla për çdo inspektim, aftësitë e të mësuarit të makinerive dhe parashikimit të MIRA-s bëhen më të forta.
Sipas Orgnaizatës Ndërkombëtare të Punës, nësë do të aplikohet “MIRA”, do të përmirësojë 30%, parashikimin e punës së padeklaruar, krahasuar me mënyrat tradicionale të gjurmimit.
Ndërkohë fuqia parashikuese e “MIRA”, fokusohet në 70 % të inspektimeve të cilat janë planifikuar bazuar në vlerësimin e rrezikut dhe njohuritë e bazuara në të dhëna. Ndër sektorët të cilët operojnë në informalitet renditet ai i bujqësisë, ndërtimi, tregtia etj. Në muajt e fundit të vitit të kaluar, qeveria shqiptare ndërmori një fushatë anti-informalitet në të cilën do të gjurmoheshin bizneset apo sipërmarrjet të cilët operonin me paga të padeklaruara.
