Merita Bejtja shkon drejt rizgjedhjes për një mandat të tretë në pozicionin e Inspektorit të Përgjithshëm të Bankës së Shqipërisë.
Në seancën dëgjimore të zhvilluar sot në Komisionin e Ekonomisë, Kryetarja Milva Ekonomi njoftoi se në përfundim të afateve të përcaktuara ka shfaqur interes vetëm Merita Bejtja, e cila e mban aktualisht këtë pozicion.
Më pas Bejtja bëri një paraqitje të eksperiencës profesionale dhe vizionit të saj në lidhje me pozicionin për të cilin kandidon, sfidat me të cilat është përballuar përgjatë ushtrimit të funksionit që mban, si dhe iu përgjigj pyetjeve të deputetëve.
Merita Bejtja që nga prilli i vitit 2015 ka mbajtur pozicionin e Inspektorit të Përgjithshëm të Bankës së Shqipërisë. Znj. Bejtja ka një pěrvojë profesionale që nga viti 1993 në sistemin bankar, fillimisht në Bankën e Kursimeve dhe më pas në Bankën Kombětare Tregtare dhe Raiffeisen Bank, në funksione drejtuese, duke u bërë dhe Drejtore Ekzekutive e Raiffeisen Leasing.
