Nga data 1 mars 2022, të rinjtë francezë nga mosha 16 deri në 26 vjeç do të përfitojnë 500 euro në muaj. “Kontrata për të rinjtë”, është lajmëruar nga vetë Presidenti Emanuel Makron në rrjetin e tij social facebook. Sipas Presidentit kjo nismë ka për qëllim trajnimin e të rinjve kundrejt pagesës mujore në mënyrë që të zbulojnë profesionin që u përshtatet më mirë e më pas të punësohen.
“Të rinjtë që i plotësojnë këto kritere do të përfitojnë kompensim mujor prej 500 eurosh, në këmbim të trajnimeve. Të rinjtë do të mund të regjistrohen në programe speciale për të pasur 15 deri në 20 orë trajnim në javë për të zbuluar një profesion, për t’u trajnuar dhe për të gjetur një punë”, shkruan Macron në postimin përkatës.
Ndërkohë gazeta franceze “Le Figaro”, e cilëson nismën e Presidentit Macron si një dhuratë parazgjedhore pasi vjen në një kohë kur vendi pritet t’i drejtohet zgjedhjeve.
