Kryeministri italian Mario Draghi propozon krijimin e një “Task-Force” për të shqyrtuar mundësinë dhe propozimet konkrete që teknikët e Kombeve të Bashkuara do të aplikojnë më pas për lehtësimin e investimeve private në luftën kundër ndryshimeve klimatike, me ndihmën e bankave zhvillimore duke nisur nga Banka Botërore.
Bëhet fjalë për të futur në lojë burime që variojnë në disa trilionë dollarë. Sipas propozimit të Draghit, ka shumë hapësirë për t’i dhënë një rol financës private në ndryshimet klimatike. Institucionet e mëdha financiare kanë dëshmuar angazhim në këtë drejtim por për të aktivizuar fluksin e investimeve duhet një ndihmë publike, një skemë referimi si p.sh Banka Botërore që është një ‘aktor sinergjik dhe katalitik” por që deri më tani ka lëvizur shumë pak për klimën, ndryshe nga Fondi Monetar Ndërkombëtar që deri më tani ka angazhuar për këtë qëllim 650 miliardë.
“Atë që sektori privat mund të bëjë për klimën, do të shkojë në ndërtimin e infrastrukturës teknologjike për reduktimin e emetimeve në mbarështimin e bagëtive apo prodhimin e ushqimeve të reja. Bëhet fjalë për të përzgjedhur projekte, mbi të gjitha sepse, në afatgjatë energjitë e rinovueshme mund të kenë limite ndaj duhet qëë të investohet në teknologjik innovative që janë në gjendje që të kapin karbonin” tha Draghi në samitin e G20.
