Raporti i kredive me probleme kundrejt totalit të kredive zbriti në në një minimum të ri historik, referuar të dhënave të fundit të publikuara nga Banka e Shqipërisë. Për muajin nëntor ky tregues ishte 4.48%, duke zbritur më tej, nga 4.6% që ishte në tetor dhe 5.07% që ishte në nëntor të vitit 2023.
Kreditë me probleme kanë rënë në nivelin më të ulët që nga viti 2009, edhe pse gjatë vitit të kaluar pati një rritje të ndjeshme të kreditimit. Në vlerë nominale, kreditë më probleme arritën në 39.6 miliardë lekë në fund, me një rritje prej 3 miliardë lekë, ose rreth 8%, krahasuar me një vit më parë.
Raporti i kredive me probleme kundrejt totalit të kredive është një nga treguesit kryesorë të shëndetshmërisë së sektorit bankar. Në vitin 2014, kur ky tregues arriti shifrat 25% u kthyen në një problem serioz, që mund të sillte risk sistemik për gjithë sistemin, duke sjellë edhe ndërhyrjen e Fondit Monetar Ndërkombëtar.
Gjatë viteve të fundit, ky tregues ka qënë i qëndrueshëm dhe sidomos gjatë vitit të kaluar ka patur tendenca rënëse. Krahasuar me një vit më parë (nëntor 2023- nëntor 2024) ky tregues shënoi rënie me 0,59%.
Ndikim në rënien e kredisë me probleme kanë dhënë rritja e fuqisë paguese nga kreditorët në sajë të zgjerimit të të ardhurave, nga rritja e pagave, aktiviteti ekonomik si dhe fshirja e kredive të humbura. /ekofin.al
