Banka e Shqipërisë bën të ditur se interesat e kreditë në euro, për biznesin në 3-mujorin e fundit, kanë regjistruar vlera të ngjashme me tremujorët e mëparshëm.
Sipas BSH-së, norma e interesit për kreditë në euro për bizneset rezultoi 4.4 %, kundrejt nivelit 4.5 % që ishte në 3-mujorin e dytë dhe e njëjtë me tremujorin e parë të vitit.
Sipas madhësisë së kredisë, interesat kanë shënuar ulje tek kreditë e vogla edhe tek kreditë e mëdha (mbi 1 milion euro), ndërkohë që segmenti i mesëm nuk ka ndryshuar.
Përmirësimi i shpejtë i aktivitetit ekonomik në vend dhe përqasja më pozitive e bankave ndaj kreditimit kanë ndihmuar në përmirësimin e ritmeve të rritjes së kredisë për biznese në tremujorin e tretë me 8 % me bazë vjetore.
