Misioni i Inspektoratit Kombëtar të Mbrojtjes së Territorit është kontrolli, mbrojtja e territorit dhe e peizazhit nga ndërhyrjet dhe zhvillimet e kundërligjshme, duke garantuar një zhvillim të qëndrueshëm e të sigurt në fushën e zhvillimit, të planifikimit, të mbrojtjes së territorit, të tokës, të ajrit, të ujërave dhe të pyjeve, të disiplinimit të punimeve në ndërtim, të produkteve të ndërtimit, si dhe në fushën e menaxhimit të integruar të burimeve ujore.
Ky është misioni i IKMT, i publikuar edhe në faqen zyrtare të institucionit, por nëse analizon shifrat e raportit të Ministrisë së Brendshme mbi veprimtarinë e Inspektoratit gjatë vitit të kaluar, më shumë sesa marrja e masave parandaluese dhe kontrolli i territorit, IKMT po vijon të veprojë më shumë si rruspë dhe tritol për ndërtimet pa leje.
Ndërtimet pa leje dhe prishja e objekteve në kundërshtim me ligjin kanë qenë vendimet më të shumta në numër të dhëna nga Inspektoriati Kombëtar i Mbrotjes së Territorit gjatë vitit 2024.
IKMT dha 427 vendime për prishjen e objekteve dhe ndërtimeve të ndryshme, ndërsa numri i vendimeve për ndërtimet pa leje është 261.
Po sipas raportit, në vijim të projektit të Unazës së Madhe, IKMT ka prishur 103 objekteve nga 1 deri 6 kat, (objekt shpronësimi), 82 objekte në segmentin “Thumanë – Vorë Kashar” dhe 10 objekteve me vendim prishjeje për projektin e rikualifikimit të hyrjes së qytetit të Shkodrës.
Ndërsa në jug, në bashkëpumin Policinë e Shtetit, me në fokus lirimin e hapësirave publike, të zaptuara pa leje nga pronarë subjektesh që operojnë përgjatë vijës bregdetare, janë kryer 84 prishje objektesh, përkatësisht në: Bashkinë Himarë (në plazhin e Dhërmiut, Drimadhas, plazhi Gjipe, Qeparo dhe Borsh); në Bashkinë Sarandë në plazhin e Lukovës dhe Ksamilit, si dhe në Bashkinë Shkodër (zona përëndimore e liqenit).
Gjithashtu janë hequr tabelat e kioskat pa leje në afërsi të pikave doganore (Hani i Hotit, Muriaqan, Morinë, Kapshticë, Qafë Thanë, Kakavijë) ku janë prishur 51 Tabela (Billbordera) dhe 20 kioska. /ekofin.al
