Bashkia e Tiranës ka shpallur tenderin për Ndërtim pedonale, pistë vrapimi dhe korsi biçikletash në liqenin e Farkës. Fondi limit i tenderit është 575,milionë e 731 mijë lekë. Data për dorëzimin e ofertave është 6 janari 2022.
Projekti synon krijimin e një itinerari për këmbësore të pandërprerë përqark liqenit të Farkës. Po ashtu, projekti duhet të përmbajë krijimin e korsive të bicikletash me dy korsi kalimi të pavarur nga pjesa e shëtitores ku ekziston mundësia për ta krijuar këtë korsi, jo më e vogël se 2 metra në gjerësi dhe me një gjatësi prej 6300 miljesh. Po ashtu, propozohet që diga të kthehet në shëtitore dhe të shërbejë vetëm për këmbësoret dhe ciklistët.
Parku i Lojërave
Këndi i lojrave, është menduar të jetë si një platformë lojrash dhe aktivitetesh për të gjitha grupmoshat e femijeve, nga mosha 1 vjeç deri në moshën 14 vjeç. Në ketë platformë aktivitetesh, lojërat e perzgjedhura për çdo moshë përcaktojnë edhe zonat e grupmoshave të ndryshme të kësaj platforme.
Ura lidhëse
Duke u bazuar edhe te studimi gjeologjike i bërë në zonë ështe konstatuar që zona ka një terren mjaft problematike, në zonën ku propozohet ura ka rrjedhë të vazhdueshme të ujit,dhe kjo krijon shkarje dheu. Për ketë arsye është menduar një rivitalizim i kësaj zone duke theksuar që pritet te kalojë një fluks i madh levizje. Në sipërfaqe të urës propozohen të vendosen hijëzues si edhe stola, në mënyrë të tillë që vizitorët të mund të shijojnë pamjen e liqenin në një zonë pak të zhurmshme dhe më të distancuar prej akseve kryesore të rrugëve hyrëse për në liqen.
Zona e piknikut
Duke u referuar dhe funksionit ekzistues të kësaj zone të liqenit është parë e arsyeshme një rishikim i zoonimit dhe një modifikim i funksionit, si edhe një sera ndërhyrjesh ne ambientin rrethues. Është konstatuar nëpërmjet analizave të bëra në terren që kjo zonë përdoret kryesish për piknik, për ketë arsye propozohet për një mirëfunksionim sa më të lartë të zonës të behet një ri sistemim, duke minimizuar sa më pak ndërhyrjet ne mjedisin ekzistues.
Amfiteatri
Zonat e amfiteatrit është trajtuar si shkallare ne drejtim te vijës se liqenit, ku nëpërmjet integrimit te shtrimit me beton dhe tapet te gjelbëruar, ato krijojnë platforma pushimi. Këto zona ndërthuren here here duke krijuar platforma ku vizitorët mund te shtrihen plotësisht dhe here here ku vizitoret mund te ulen dhe te relaksohen gjate ditës dhe mbrëmjes. Pranë zonës së amfiteatrit propozohen mole si edhe platforma lundruese në liqen, në të cilat vizitorët mund të shijojnë një kafe, si edhe mund te marrin një varkë me qera.
