600 emigrantë që tentuan të hynin në Greqi përmes ujrave të Detit Egje janë ndaluar nga rojet bregdetare greke. Grupi i madh i emigrantëve ishte nisur mëngjesin e kësaj të hëne nga bregdeti turk, për të lundruar drejt Greqisë përmes 5 anijeve dhe 4 varka më të vogla.
“Patrulla greke ishte në gjendje që shumë shpejt të lokalizonte anijet dhe të informonte rojet bregdetare turke”, tha për AFP-në një zëdhënës i rojeve bregdetare greke.
Mbi 3,000 azilkërkues kanë arritur në Greqi gjatë këtij viti, ndërkaq sipas statistikave të publikuara në prill, mbi 2,300 azilkërkues janë vendosur në kampet e ishujve grekë Lesbos, Samos, Chios, Kos, Leros – që të gjithë këta ishuj gjenden afër Turqisë.
Greqia vazhdimisht ka akuzuar Turqinë se nuk ndërmerr veprimet e duhura për të parandaluar kontrabanduesit që të transportojnë migranatët me anije dhe varka të pasigurta.
