Greqia po përgatitet të shesë 10% të aksioneve në Bankën Kombëtare të Greqisë, që përfaqëson fundin e procesit të privatizimit pas ndihmës shtetërore më shumë se një dekadë më parë, që pothuajse e nxori vendin nga zona e euros.
Pas dhënies së shumës prej 50 miliardë eurosh (54.37 miliardë dollarë) në katër huadhënësit më të mëdhenj të Greqisë në këmbim të aksioneve gjatë krizës, fondi filloi të reduktonte pjesëmarrjen në Eurobank Alpha Bank dhe Pireus Bank dhe një pjesë të aksioneve në NBG në fund të vitit të kaluar.
Athinës iu deshën tri paketa ndërkombëtare shpëtimi nga Bashkimi Evropian dhe FMN-ja ndërmjet viteve 2010 dhe 2015, me një total prej më shumë se 260 miliardë euro. Pas daljes nga paketat e shpëtimit në 2018, Greqia është mbështetur vetëm në tregje për nevojat e saj financiare.
Gama e çmimeve për aksionet e NBG është vendosur nga 7,30 deri në 7,95 euro, tha të hënën fondi i shpëtimit të bankave të Greqisë HFSF (Fondi Helen i Stabilitetit Financiar). Aksionet e bankës po tregtoheshin të hënën me 7.93 euro, duke fituar 1%.
Fondi i shpëtimit (HFSF) ka në pronësi 18.4% të aksioneve në NBG, huadhënësi i dytë më i madh i Greqisë për nga vlera e tregut. Pjesa e mbetur do të transferohet në fondin sovran të pasurisë së Greqisë në fund të vitit, ndërsa qeveria do të mbajë një zotërim prej 8.4% në Bankën Kombëtare të Greqisë.
Greqia mund të fitojë deri në 727.2 milionë euro nga shitja, regjistrimi për të cilat pritet të mbyllet më 2 tetor. Në fillim të këtij viti, BQE lejoi bankat greke të paguajnë një dividend vjetor për aksionerët për herë të parë që nga viti 2008.
Ekonomia greke parashikohet të rritet me 2.3% në 2025, sipas Komisionit Evropian – më e lartë se mesatarja e eurozonës.
