Pronari i Google, Alphabet, theu projeksionet për të ardhurat në tremujorin e tretë, ç’ka përbën një shenjë pozitive se biznesi i reklamave po tejkalon limitet e reja në gjurmimin e përdoruesve me telefon. Përmes motorit të kërkimit, Youtube, dhe partneriteteve përmes Web-it, Google shet më shumë reklama në internet se çdo kompani tjetër. Kërkesa për shërbimet është rritur në vitin e kaluar, pasi pandemia detyroi njerëzit që të shpenzojnë më shumë kohë në rrjet.
Të ardhurat nga reklamat tek Google u rritën në 53.1 miliardë dollarë gjatë tremujorit të tretë. Shitjet totale të Alphabet u rritën në 65.1 miliardë dollarë, sipër vlerësimit mesatar të analistëve për 63 miliardë. Fitimi tremujor arriti në 27.99 dollarë për aksion, duke thyer projeksionet prej 24.08 dollarë për aksion. Fitimi i Alphabet është subjekt i luhatjeve të mëdha për shkak se rregullat e kontabilitetit i kërkojnë kompanisë të masë fitimet e parealizuara nga investimet në startape, si të ardhura.
Shqetësimet e konsumatorëve janë rritur mbi Google dhe kompani të tjera për mënyrën se si përdorin motorët e kërkimit për t’i profilizuar ata, e më pas të tregojë reklama që i përshtaten. Në sfidat e fundit, Apple i dha përdoruesve më shumë kontroll për të ndaluar gjurmimin në muajt e fundit. Sfida bëri që reklamuesit të rikalibrojnë shpenzimet në mënyrë që rivalët e Google, Snap dhe Facebook, thanë se ka dëmtuar të ardhurat për tremujorin e tretë.
