Skemat e financimit të bujqësisë kanë nxitur edhe formalizimin në këtë sektor, duke qenë se është kusht kryesor për përfitimin e fondeve.
Të dhënat zyrtare nga Instituti i sigurimeve Shoqërore, tregojnë se në vitit 2024 numri i fermerëve të formalizuar ka pësuar një rritje progresive nga vitit në vit, duke arritur në 88.866 të vetëpunësuar në bujqësi që paguajnë sigurimet shoqërore.
Nëse do të analizojmë shifrat nga viti 2020, ku numri i kontribuuesve në bujqësi regjistrohej në 46,743, vihet re një rritje progresive nga viti në vit, për të shënuar shifrën më të lartë në 2024-ën, e cila ka thuajse dyfishim në raport me 2020-ën.
Ndërsa nga 2024 në raport me një vit më parë, numri i fermerëve të formalizuar ka kapërcyer me 13.145.
74.6 % e kontribuuesve janë në zonat fushore ku dhe zhvillimi i sektorit bujqësor është më i lartë dhe 25.4 % është në zonat malore.
Sa i takon vlerës së kontributeve të paguara, shifra arrin në 32 milion euro, 79.3% gjeneruar nga fermerë në zonat fushore dhe pjesa tjetër në zonat malore.
Sa i takon numrit të kontribuuesve të vetëpunësuar në bujqësi sipas qarqeve, qarku me numrin më të lartë është Fieri me 16 % të totalit, si qarku kryesore me bujqësi intensive, ndjekur nga Elbasani, Vlora dhe Korça. Ndërsa numri më i ulët i kontribuesve është në qarkun e Gjirokastrës dhe të Kukësit.
Përgjatë dy viteve të fundit përpos Skemës Kombëtare të Mbështetjes në Bujqësi me një fond prej 30 milionë eurosh në vit është aplikuar edhe Skema e Investimeve, ndërsa tashmë do të vihet në funksion edhe garancia sovrane që synon të rrisë aksesin e fermerëve dhe agrobizneseve në financim./Scan tv
