Me rastin e zhvillimit të Festivalit Ndërkombëtar të Arkitekturës “Bread & Heart Festival”, në Tiranë do të bllokohen disa rrugë. Sipas njoftimit të policisë rrugët do të bllokohen sot më datë 05.06.2025, nga ora 22:00 deri nesër në orën 23:30 të datës 06.06.2025. Gjithashtu, ditën e nesërme në mëngjes do të realizohet falja e Namazit të Bajramit, parashikuar në Bulevardin Dëshmorët e Kombit. Gjithashtu, kjo do të sjellë bllokim të këtij bulevardi për disa orë.
Njoftimi i plotë i policisë
Me rastin e zhvillimit të Festivalit Ndërkombëtar të Arkitekturës “Bread & Heart Festival”, në Tiranë, më datë 05.06.2025, nga ora 22:00 deri në orën 23:30 të datës 06.06.2025, ju informojmë se do të bllokohen akset:
nga Ura e Dajtit deri te kryqëzimi i Ministrisë së Brendshme me bashkinë e Tiranës;
”Myslym Shyri”; “Ibrahim Rugova”; bulevardi “Dëshmorët e Kombit” nga rruga “Abdi Toptani” deri te rruga “George W. Bush”.
Gjithashtu, do të bllokohen vendqëndrimet e autobusëve, në rrugën “28 Nëntori”, pas godinës së TOB.
Policia e Tiranës kërkon mirëkuptimin dhe bashkëpunimin e qytetarëve, për zbatimin e këtyre masave, të cilat kanë si qëllim garantimin e rendit dhe sigurisë publike, si dhe mbarëvajtjen e Festivalit.
