Dita Botërore të Bletës, solli festë në qytetin e Korçës. Nën kujdesin e Bashkisë se këtij qyteti u organizua Panairi i Pranverës, ku morën pjesë bletërritës nga e gjithë Shqipëria si dhe nga trevat mbarë shqiptare të Maqedonisë së Veriut, Kosovës dhe Greqisë. Në qendër të qytetit u mbajt po ashtu një koncert festiv si dhe aktivitete për fëmijë në Zonën Këmbësore.
Në vendin tonë janë afro 8200 familje që merren me rritjen e bletëve, ndër ta janë profesionistë të cilët e kanë biznes, por edhe individë që e zhvillojnë këtë aktivitet për pasion.
Vlera kapitale e gjithë sektorit llogaritet në afro 72 milionë euro, ndërsa subvencionet nga qeveria dhe programi IPARD në mbështetje të Bletarë po shtohen nga viti në vit.
