Qytetarët e BE-së janë përgjithësisht të kënaqur me jetën e tyre, pasi niveli i kënaqësisë së njerëzve që janë 16 vjeç e lart është mesatarisht 7.3 nga 10, sipas të dhënave të Eurostat.
Finlanda renditet e para me 7.8, e ndjekur nga Belgjika, Austria, Rumania dhe Sllovenia, të gjitha me 7.7.
Bullgarët duket se janë qytetarët më të pakënaqur. Me një rezultat 5.9, ata janë në fund të spektrit të kënaqësisë nga jeta.
Danimarka (nga 8.0 në 7.5) dhe Suedia (nga 7.9 në 7.5) kanë pasur uljet më të larta të niveleve të kënaqësisë gjatë dekadës së fundit.
Përkundrazi, vendet që panë rritjet më të ndjeshme të kënaqësisë nga jeta janë Qiproja (nga 6.2 në 7.5), Bullgaria (nga 4.8 në 5.9), Estonia (nga 6.5 në 7.2), Sllovenia (nga 7.0 në 7.7) dhe Greqia. (nga 6.2 në 6.9).
Në këtë sondazh, njerëzve iu kërkua thjesht të vlerësonin kënaqësinë e tyre nga jeta nga 0 në 10.
BE-ja po punon për një përkufizim më kompleks të lumturisë, i cili shtrihet përtej rezultateve të zakonshme të PBB-së.
Kohët e fundit, Komisioni identifikoi kriteret “8+1” për të përcaktuar cilësinë e jetës: kushtet materiale të jetesës, sasia dhe cilësia e punësimit, shëndeti, arsimi, koha e lirë dhe ndërveprimet sociale, siguria ekonomike dhe fizike, qeverisja dhe të drejtat themelore, mjedisi jetësor dhe, së fundi, përvoja e përgjithshme e jetës.
