Çmimi i Bitcoin ka kaluar për herë të parë shifrën e 100,000 dollarëve, duke arritur një rekord të ri. Vlera e kriptomonedhës më të madhe në botë është rritur nga shpresat që presidenti i sapozgjedhur i SHBA-së, Donald Trump, do të miratojë politika “kripto-miqësore”.
Pika historike u arrit disa orë pasi Trump tha se do të emëronte ish-komisionerin e Komisionit të Letrave me Vlerë (SEC) Paul Atkins për të drejtuar rregullatorin e Wall Street. Pika historike prej 100,000 dollarësh nxiti festime nga fansat e kriptomonedhave në mbarë botën.
Vlera e luhatshme e Bitcoin ka tërhequr gjithmonë interes, me mbështetësit e tij që reagojnë me kënaqësi kur ai ka kaluar pragjet e mëparshme të çmimevedhe sfida gjatë rënies së tij. Për javë të tëra grafikët, memet dhe parashikimet janë rrotulluar nëpër mediat sociale se kur çmimi do të arrinte shifrën që mendohet të jetë një nga grailët e shenjtë të botës së kriptove. Miliona shikues e ndoqën nga interneti, momenti ku shifra shkoi rreth 100 mijë dollarë.
Vlera e një bitcoin të vetëm është një nga barometrat e optimizmit në industrinë e kriptomonedhave, e cila tani vlerësohet të jetë me vlerë 3.3 trilion dollarë, sipas firmës së analizës Coin Market Cap. Fitorja e Trump muajin e kaluar ishte katalizatori për rritjen e fundit. Presidenti i zgjedhur është zotuar se do ta bëjë SHBA-në “kryeqytetin e kriptove të planetit”.
Gjithashtu e jashtëzakonshme është se si çmimi i Bitcoin është rritur. Një vlerësim prej 100 mijë dollarësh përfaqëson një rritje prej 40% në ditën e zgjedhjeve në SHBA dhe më shumë se dyfishi i çmimit me të cilin filloi vitin.
Por ka shumë më tepër për Bitcoin sesa ndryshimet marramendëse në vlerën e tij. Nga shpikësi i saj enigmatik deri te rrëzimi i të ashtuquajturit Mbreti i Kriptove, është një histori me shumë kthesa, e cila ka parë krijimin dhe humbjen e pasurive të mëdha.
