Kryeministri Edi Rama informoi sot se qeveria po punon mbi një skemë bashkëpunimi me biznesin për të punësuar njerëz që janë në skemën e ndihmës ekonomike.
Gjatë prezantimit të paketës fiskale para një përfaqësie të biznesit të vogël, Rama foli për
dy masa të rëndësishme të paketës fiskale që janë me impakt edhe në zonën e aktivitetit të biznesit të vogël.
Së pari, ai përmendi rritjen e pagës minimale në 32 mijë lekë dhe ambicien që brenda mandatit të shkohet në 40 mijë lekë.
Këtu, Kryeministri theksoi se, “po punojmë për një skemë bashkëpunimi me biznesin. Duam të ndërlidhim biznesin e vogël dhe të madh me ndihmën ekonomike dhe të kërkojmë aleancë për të punësuar njerëz në ndihmë ekonomike duke ia kaluar si pjesë të pagës ndihmën ekonomike. Nëse paga minimale shkon në 320 mijë lekë, një pjesë të kësaj page për ata që janë në ndihmë ekonomike dhe kanë kushtet normale fizike për të punuar, e paguan shteti dhe pjesën tjetër të pagës e paguan biznesi”.
