Vatikani e ka vënë arkitektin spanjoll Antoni Gaudi në rrugën e shenjtërimit në njohjen e “virtyteve të tij heroike”. Gaudi – i cili është quajtur nga disa si “arkitekti i Zotit” – është projektuesi i një prej vendeve më të famshme fetare dhe atraksioneve turistike të Spanjës, bazilikës së papërfunduar Sagrada Familia në Barcelonë.
Vatikani nxori një deklaratë ku tha se Papa Françesku kishte autorizuar një dekret që e shpallte arkitektin e lindur në Kataloni “shenjtor”. Ky është një hapi i parë në rrugën drejt kanonizimit zyrtar të një kandidati për shenjtërim nga Kisha Katolike.
Është zhvillimi më i fundit në një fushatë dekadash që Gaudi, i cili ishte një katolik i devotshëm, të njihet si shenjtor. Kryepeshkopi i Barcelonës, kardinali Juan Jose Omella, e quajti lajmin një “gëzim”.
“Është një njohje jo vetëm e punës së tij arkitekturore, por diçka më e rëndësishme,” tha ai, sipas agjencisë së lajmeve AFP.
Kardinali vazhdoi: “Po të thotë… mes vështirësive të jetës, mes punës, mes dhimbjes, mes vuajtjes, janë të destinuar të jenë shenjtorë”. Procesi i zakonshëm formal që dikush të shpallet shenjtor do të përfshinte më pas lumturimin, një hap përpara shenjtërimit të plotë.
Kjo është një kategori e rezervuar për martirët, ata që mendohet se kanë jetuar një jetë me vlera heroike dhe kandidatë që Kisha deklaron se kanë një reputacion të shenjtë. Në rastin e Gaudit, i cili vdiq në vitin 1926 pasi u godit nga një tramvaj ndërsa po ecte për në kishë, Vatikani ka të ngjarë të kërkojë prova të një mrekullie që mund t’i atribuohet atij pas vdekjes, në mënyrë që të vazhdojë me lumturimin.
Gaudi lindi në 1852 dhe shumë nga veprat e tij më të njohura vazhdojnë të tërheqin vizitorë në Barcelonë, ku ndodhet pjesa më e madhe e trashëgimisë së tij. Bazilika Sagrada Familia ka qenë në ndërtim e sipër që nga viti 1883 dhe më në fund pas 140 vjetësh ndërtimi i saj pritet të përfundojë në 2026.
Kisha është vendosur në listën e Trashëgimisë Botërore të UNESCO-s, së bashku me disa nga veprat e tjera të Gaudi-t, dhe është shenjtëruar nga Papa Benedikti XVI në vitin 2010./ Përshtati nga BBC, ekofin.al
