Ambasadorja e Shteteve të bashkuara të Amerikës (SHBA) znj. Yuri Kim, ka mbajtur të fundit konferencë për shtyp pak përpara largimit të saj nga kjo detyrë. Në bilancin e punës së saj në Shqipëri Kim vlerësoi progresin e reformës në drejtësi, marrëdhëniet ekonomike dhe atofushën ushtarake mes Shqipërisë dhe SHBA-ve.
Në lidhje me situatën e krijuar në kampin e MEK Ashraf 3, dhe nësë shqipëria duhet t japë fund kësaj marëveshje duke qënë se janë ngritur dyshime se muxhahedinët kanë kryer aktivitete të paligjshme kibernetike ambasadorja amerikane tha se:
Yuri Kim: Ky është një vendim që duhet ta marrë Qeveria Shqiptare. Një gjë është shumë e qartë, ne mbështesim të drejtat e Shqipërisë për të zbatuar ligjet e saj në vendin e saj. Ka rregulla të caktuara që zbatohen për miqtë në vendin tuaj dhe këto duhet të respektohen prej tyre.
Përfaqësuesja e lartë diplomatike ka vlerësuar edhe njëhërë reformën në drejtësi ndrsa ka theksuar se nevojitet progres në të drejtën e pronës.
Yuri Kim: Është e nevojshme të vijohet për të mbajtur këto reforma siç është çrrënjosja e korrupsionit, lehtësimi i procedurave për të drejtën e pronësisë. Duhet më shumë progres në të drejtat e pronës.
Kim foli edhe për regjimin e vizave ku la të ndezur shpresën për të udhëtuar të lirë përtej atlantikut.
Yuri Kim: Nuk do jetë e larget dita që të hiqen vizat nëse vazhdohet të respektohet nga qytetarët shqiptarë regjimi i vizave.
E pyetur nga gazetarët në lidhje me qëndrimin ndaj ish-kryeministrit Sali Berisha, ambasadorja zgjodhi të përgjigjej në mënyrë diplomatike.
Yuri Kim: Mendoj se çdo ambasador përballet me sfidat. Por ka diçka lidhur me SHBA, ne shohim nga ardhmja. Çdo ambasador do të përpiqet ta drejtojë gjithnjë Shqipërinë drejt së ardhmes.”
Ambasadorja Yuri Kim sigurisht që nuk mund të linte pa përcjellë edhe përshtypjet e saj për Shqipërinë.
Yuri Kim: Jam prekur dhe kam ndryshuar nga përvoja ime këtu, nëse kthehem në Shqipëri ose jo, Shqipëria do të jetë gjithmonë me mua. Unë do e lë Shqipërinë me respekt të thellë për historinë, traditat, këmbënguljen tuaj. Do iki me mirënjohje për dashamirësinë tuaj. Do të largohem me simpati dhe solidaritet për padurimin tuaj për një të ardhme më të mirë për fëmijët tuaj. Do të iki me një respekt për tokën tonë të shqiponjave.
Në javën e parë të Korrikut, në Tiranë pritet të mbërrijë për të marrë detyrën për një mandat 3-vjeçar pasardhësi i Yuri Kim, David Konstelacik.
