Kryeministri Andrej Plenkovic njoftoi në Parlamentin kroat se qeveria ka në plan të rrisë pagën mesatare neto në 1600 euro deri në fund të mandatit të saj dhe pagën minimale në 970 euro, duke filluar nga viti i ri.
Pagat, pensionet dhe strehimi i përballueshëm janë prioriteti i qeverisë për katër vitet e ardhshme, theksoi Kryeministri kroat ndërsa prezantonte punën vjetore të qeverisë para Parlamentit.
“Sot kemi vendosur që, prej 1 janarit, paga bruto minimale të jetë 970 euro, me një rritje prej 130 eurosh”, tha Plenkovic, duke shpjeguar se qeveria me këtë masë do të ndihmojë ata që kanë më shumë nevojë.
Ai zbuloi se aktualisht në Kroaci janë 100 mijë individë që marrin pagë minimale dhe shtoi se qeveria me këtë masë synon të sigurojë një jetë më dinjitoze për ta.
Ai njoftoi gjithashtu një ndryshim në rregullimin e formulës së pensioneve, duke kaluar në raportin favorizues 85:15, që do të ndikojë në rritjen e pagave dhe koston e jetesës.
Qeveria planifikon gjithashtu hapa të mëtejshëm për të fuqizuar suportin e familjeve dhe përfitime për familjet me fëmijë. “Do të rrisim shërbimin e kredituar për nënat nga 6 muaj në 12 muaj për çdo lindje dhe fëmijë të birësuar dhe do të shpalosim një shtesë vjetore”, specifikoi Kryeministri.
Masa e re, që fillon nga 1 janari i vitit tjetër, do të rrisë pagesën për lindjet e reja me 100%, nga 309 euro në 618 euro. /Përgatiti: ekofin.al
